मुंबई: शिवसेना (उद्धव बाळासाहेब ठाकरे) नेते आदित्य ठाकरे यांनी महाराष्ट्राचे मुख्यमंत्री एकनाथ शिंदे यांना राजीनामा देऊन वरळी विधानसभा लढवण्याचे आव्हान दिले आहे. यावर प्रतिक्रिया देताना भाजप नेते मोहित कंबोज यांनी आदित्य ठाकरे यांच्यात जर तेवढाच आत्मविश्वास असेल तर त्यांनी ठाण्यातून सीएम शिंदे यांच्याविरोधात निवडणूक लढवावी, असं म्हटलं आहे.
Shri Aaditya Thackeray Is Challenging CM To Resign From MLA And Contest From Worli .
But Why Worli ?
If Aditya Thackeray Is So Confident Then He Should Go And Contest From Thane Against CM Eknath Shinde Ji .2019 Aditya Thackrey Won COZ Sachin Ahir Joined Sena From NCP.
— Mohit Kamboj Bharatiya (@mohitbharatiya_) February 4, 2023
हेही वाचा – New PF withdrawal rule: पीएफमधून पैसे काढण्याच्या नियमात बदल
काय म्हणाले होते आदित्य ठाकरे?
शुक्रवारी पक्षाच्या बैठकीदरम्यान पत्रकारांशी संवाद साधताना आदित्य ठाकरे म्हणाले, ‘मी तुमच्यासमोर त्यांना आव्हान देत आहे. सर्वत्र शिवसेनेचे भगवे वातावरण आहे. त्या 13 बंडखोर खासदार आणि 40 बंडखोर आमदारांना मी आव्हान देतो की त्यांनी राजीनामा द्यावा आणि मग जिंकून दाखवा. ते कसे जिंकतात ते मी पाहतो. सर्व यंत्रसामग्री आणि खोके वापरा, एकही शिवसैनिक विकला जाणार नाही, असे ते म्हणाले.
हेही वाचा – Gautami Patil: सोशल मीडियावर व्हायरल झालेली कोण आहे गौतमी पाटील?
तर तिकडे आदित्य ठाकरेंच्या आव्हानानंतर खासदार संजय राऊत यांनी प्रतिक्रिया दिली आहे. शिवसेना खासदार संजय राऊत यांनी आदित्य ठाकरे यांचे समर्थन करताना मुख्यमंत्री स्वतःला क्रांतिकारक समजतात, असे म्हटले आहे. मुख्यमंत्री एकनाथ शिंदे यांना 32 वर्षीय तरुण आव्हान देत आहे. त्यामुळे मुख्यमंत्री शिंदे यांनी हे आव्हान स्वीकारावे.