Mohammed Shami: टीम इंडिया सध्या घरच्या मैदानावर इंग्लंडविरुद्ध 5 सामन्यांची कसोटी मालिका खेळत आहे. या मालिकेत तिने 3-1 अशी अभेद्य आघाडी घेतली आहे. या संघाच्या एका स्टार खेळाडूने सोशल मीडियावर चाहत्यांना एक मोठे अपडेट दिले आहे. भारतीय संघाचा वेगवान गोलंदाज मोहम्मद शमी विश्वचषक 2023 पासून मैदानापासून दूर आहे. तो पायाच्या दुखापतीने त्रस्त होता. पायाच्या दुखापतीने त्रस्त असलेल्या मोहम्मद शमीवर यशस्वी शस्त्रक्रिया झाली आहे, या स्टार गोलंदाजाने स्वत: सोशल मीडियावर फोटो शेअर करून याची माहिती दिली आहे.
मोहम्मद शमीने हे मोठे अपडेट दिले
शमीने शस्त्रक्रियेनंतरचे काही फोटो सोशल मीडिया प्लॅटफॉर्म X वर शेअर केले आहेत. या फोटोंसोबतच त्यांनी माहिती दिली आहे की,
आताच माझ्या घोट्याचं यशस्वी ऑपरेशन झालं. सर्वकाही सध्या ठीक आहे. मला सावरण्यासाठी वेळ लागेल. लवकरच पायावर उभं राहील.” दरम्यान, मोहम्मद शामीच्या पायाला दुखापत झाली होती. त्यामुळे तो मागील चार महिन्यापासून क्रिकेटच्या मैदानापासून दूर होता. शामीला दुखापतीमधून सावरण्यासाठी वेळ लागणार आहे. शामी आयपीएलमध्येही खेळताना दिसणार नाही. तो आयपीएल 2024 ला मुकणार आहे. शामीच्या दुखापतीचा फटका गुजरात संघालाही बसणार आहे. त्याशिवाय टी 20 विश्वचषकालाही मुकण्याची शक्यता आहे.
Just had a successful heel operation on my achilles tendon! 👟 Recovery is going to take some time, but looking forward to getting back on my feet. #AchillesRecovery #HeelSurgery #RoadToRecovery pic.twitter.com/LYpzCNyKjS
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 26, 2024
T20 विश्वचषक 2024 मधून बाहेर पडणे निश्चित!
या दुखापतीमुळे तो आयपीएल 2024 च्या मोसमात सहभागी होणार नसल्याचे वृत्त अलीकडेच आले होते. पण आता या शस्त्रक्रियेनंतर तो 2024 च्या टी-20 वर्ल्ड कपमधून बाहेर पडणार हे जवळपास निश्चित झाले आहे. T20 विश्वचषक 2024 1 जूनपासून सुरू होणार आहे. अशा स्थितीत या स्पर्धेपूर्वी मॅच फिटनेस साधणे सोपे जाणार नाही. मोहम्मद शमीने गेल्या वर्षी नोव्हेंबर 2023 मध्ये खेळल्या गेलेल्या एकदिवसीय विश्वचषकात अप्रतिम कामगिरी केली होती आणि 7 सामन्यात 24 विकेट घेतल्या होत्या.