वयाच्या ३९ व्या वर्षी मोहम्मद नबीने शतक झळकावून सचिन तेंडुलकरला टाकले मागे, केला हा मोठा पराक्रम

0
WhatsApp Group

अफगाणिस्तानचा संघ सध्या श्रीलंकेच्या दौऱ्यावर आहे, जिथे त्यांना एक सामन्याच्या कसोटी मालिकेत 10 गडी राखून पराभव स्वीकारावा लागला. यानंतर आता दोन्ही संघांमध्ये 3 सामन्यांची वनडे मालिका खेळवली जात असून पहिल्या सामन्यात अफगाणिस्तान संघाला 42 धावांनी पराभव स्वीकारावा लागला. मात्र, या सामन्यात अफगाणिस्तानचा स्टार अष्टपैलू मोहम्मद नबीच्या Mohammad Nabi बॅटमधून शानदार शतक नक्कीच पाहायला मिळाले. नबीने 130 चेंडूंचा सामना करत 136 धावांची खेळी खेळली ज्यात 15 चौकार आणि 3 षटकारांचा समावेश होता. नबीचे हे त्याच्या एकदिवसीय कारकिर्दीतील दुसरे शतक होते, जे त्याने वयाच्या 39 वर्षे आणि 39 दिवसांत केले. यासोबतच त्याने महान फलंदाज सचिन तेंडुलकरलाही एका बाबतीत मागे टाकले आहे.

ODI मध्ये शतक झळकावणारा सर्वात वयस्कर सहावा खेळाडू – मोहम्मद नबीने त्याच्या ODI कारकिर्दीतील दुसरे शतक झळकावले, तर तो आता ODI क्रिकेटमध्ये सर्वात जास्त वयात शतक ठोकणारा सहावा खेळाडू बनला आहे. यापूर्वी हा क्रमांक सचिन तेंडुलकरच्या नावावर होता, ज्याने 2012 मध्ये वयाच्या 38 वर्षे 327 दिवसात बांगलादेशविरुद्ध शतक झळकावले होते. त्याचबरोबर नबी अफगाणिस्तानसाठी वनडेमध्ये शतक झळकावणारा सर्वात वयस्कर खेळाडू बनला आहे. एकदिवसीय क्रिकेटमध्ये सर्वात मोठ्या वयात शतक झळकावण्याचा विक्रम यूएईचा खेळाडू खुर्रम खानच्या नावावर आहे, ज्याने 2014 मध्ये अफगाणिस्तानविरुद्धच्या सामन्यात 43 वर्षे 162 दिवसांच्या वयात ही कामगिरी केली होती.


नबी आणि उमरझाईने केला गमावलेल्या सामन्यात सर्वात मोठी भागीदारी करण्याचा विक्रम – श्रीलंकेविरुद्धच्या पहिल्या वनडे सामन्यात अफगाणिस्तान संघाने लक्ष्याचा पाठलाग करताना 55 धावांपर्यंत 5 विकेट गमावल्या होत्या. यानंतर मोहम्मद नबी आणि अजमतुल्ला उमरझाई यांनी डावाची धुरा सांभाळत सहाव्या विकेटसाठी २४२ धावांची भागीदारी केली, तरीही दोघेही संघाला विजयापर्यंत नेऊ शकले नाहीत. यानंतर आता त्याच्या नावावर एकदिवसीय सामन्यात पराभूत झालेल्या सर्वात मोठ्या भागीदारीचा विश्वविक्रम नोंदवला गेला आहे. Mohammad Nabi goes past Tendulkar breaks world record