Petrol Diesel Price: मोदी सरकारची सर्वसामान्य जनतेला भेट, पेट्रोल-डिझेलच्या दरात मोठी कपात
Petrol Diesel Price: लोकसभा निवडणुकीपूर्वी मोदी सरकारने सर्वसामान्यांना मोठी भेट दिली आहे. केंद्र सरकारने पेट्रोल आणि डिझेलच्या दरात प्रतिलिटर 2 रुपयांची कपात केली आहे. शुक्रवारी (15 मार्च) सकाळपासून नवीन दर लागू होतील. पेट्रोल आणि डिझेल स्वस्त करण्याची मागणी अनेक दिवसांपासून होत होती.
दिल्ली, मुंबई, कोलकाता आणि चेन्नईमध्ये पेट्रोल आणि डिझेलचे दर
सरकारच्या या निर्णयानंतर आता देशाची राजधानी दिल्लीत पेट्रोल 94.72 रुपये प्रति लिटर आणि एक लिटर डिझेल 87.62 रुपयांना मिळेल. मुंबईत पेट्रोल 104.21 रुपये आणि डिझेल 92.15 रुपये प्रतिलिटर दराने उपलब्ध आहे. कोलकातामध्ये पेट्रोल 103.94.72 रुपये प्रति लिटर आणि एक लिटर डिझेल 90.76 रुपयांना मिळेल. चेन्नईमध्ये पेट्रोल 100.75 रुपये आणि डिझेल 92.34 रुपये प्रति लिटर दराने मिळेल.
Oil Marketing Companies (OMCs) have informed that they have revised Petrol and Diesel Prices across the country. New prices would be effective from 15th March 2024, 06:00 AM.
Reduction in petrol and diesel prices will boost consumer spending and reduce operating costs for over… pic.twitter.com/FlUSdtg2Vi
— Ministry of Petroleum and Natural Gas #MoPNG (@PetroleumMin) March 14, 2024
नोव्हेंबर 2021 पासून पेट्रोल 15 रुपयांनी स्वस्त
केंद्रीय मंत्री हरदीप सिंग पुरी यांच्या वतीने सोशल मीडियावर पोस्ट करताना लिहिले होते की, आजच्या कपातीचा समावेश केला तर नोव्हेंबर 2021 पासून पेट्रोल 15 रुपयांनी आणि डिझेल 17 रुपयांनी स्वस्त झाले आहे. सरकारने 21 मे 2022 रोजी राष्ट्रीय स्तरावर पेट्रोल आणि डिझेलच्या किमतीत शेवटचा बदल केला होता. त्यावेळी सरकारने पेट्रोलवरील उत्पादन शुल्क प्रतिलिटर 8 रुपये आणि डिझेलवरील उत्पादन शुल्क 6 रुपयांनी कमी केले होते. त्यामुळे पेट्रोल 9.5 रुपयांनी तर डिझेल 7 रुपयांनी कमी झाले.
राजस्थान सरकारने व्हॅट कमी केला
याआधी गुरुवारी राजस्थान सरकारने पेट्रोल आणि डिझेलवरील व्हॅट दोन टक्क्यांनी कमी करण्याचा निर्णय घेतला. त्यामुळे राज्यातील विविध शहरांमध्ये पेट्रोल प्रतिलिटर 1.40 ते 5.30 रुपयांनी स्वस्त होणार आहे. त्याच वेळी, डिझेलची किंमत प्रति लिटर 1.34 रुपयांनी कमी होऊन 4.85 रुपये प्रति लिटर होईल. राजस्थानमध्येही शुक्रवारी सकाळी ६ वाजल्यापासून पेट्रोल आणि डिझेलचे नवे दर लागू होतील.