मायक्रोसॉफ्टने कंपनीतून हजारो कर्मचाऱ्यांना काढून टाकण्याची घोषणा केली आहे. रॉयटर्सच्या अहवालानुसार, मायक्रोसॉफ्ट कॉर्पोरेशनने 18 जानेवारीला सांगितले की, या आर्थिक वर्षाच्या तिसऱ्या तिमाहीच्या अखेरीस 10,000 कर्मचाऱ्यांना कामावरून काढले जाईल. सततच्या तोट्यात असताना कंपनीने हा मोठा निर्णय घेतला आहे. कंपन्यांना आर्थिक मंदीच्या काळात सामोरे जावे लागत असल्याने हे अमेरिकन तंत्रज्ञान क्षेत्रातील आर्थिक मंदीचे लक्षण मानले जात आहे.
ज्या लोकांना नोकरीतून काढून टाकले जाईल, त्यांना पूर्ण सन्मान मिळावा, प्रत्येक आवश्यक सुविधा मिळावी, याची काळजी घेतली जाईल, अशी माहिती नडेला यांनी दिली आहे. अमेरिकेतील मायक्रोसॉफ्टच्या सर्व कर्मचाऱ्यांना 6 महिन्यांसाठी आरोग्यसेवा दिली जाईल, असे सांगण्यात आले आहे. करिअर ट्रान्झिशन सर्व्हिसेस आणि समाप्तीपूर्वी 60 दिवसांची नोटीस दिली जाईल. त्याचबरोबर अमेरिकेबाहेरील कर्मचाऱ्यांना त्या देशाच्या रोजगार कायद्यानुसार लाभ दिले जातील.
अलीकडेच सत्या नडेला यांनी तंत्रज्ञान क्षेत्रासमोर दोन वर्षांच्या आव्हानांचा इशारा दिला होता. मायक्रोसॉफ्टलाही या आव्हानांचा सामना करावा लागणार असून तंत्रज्ञान कंपन्यांनी कार्यक्षम बनण्याची गरज असल्याचे त्यांनी सांगितले.