महाराष्ट्र कॉमन एंट्रन्स टेस्ट (MHT CET) च्या निकालाची तारीख महाराष्ट्र राज्य सामाईक प्रवेश परीक्षा सेलने जाहीर केली आहे. अधिकृत अधिसूचनेनुसार महाराष्ट्र राज्य CET सेल 12 जून 2023 रोजी MHT CET निकाल जाहीर करेल. निकाल अधिकृत वेबसाईटवर जाहीर केले जातील. निकाल लागल्यानंतर, परीक्षेत बसलेले उमेदवार cetcell.mahacet.org या अधिकृत वेबसाइटला भेट देऊन त्यांचे निकाल तपासण्यास सक्षम असतील.
उमेदवार त्यांच्या रोल नंबर आणि जन्मतारखेद्वारे लॉग इन करून MHT CET 2023 स्कोअरकार्ड ऍक्सेस आणि डाउनलोड करू शकतात. पीसीएम सीईटी 2023 परीक्षा 9 ते 12 मे दरम्यान आयोजित करण्यात आली होती तर पीसीबी सीईटी परीक्षा 15 ते 20 मे 2023 दरम्यान घेण्यात आली होती. अभियांत्रिकी, फार्मास्युटिकल आणि कृषी तंत्रज्ञान अभ्यासक्रमाच्या प्रथम वर्षाला प्रवेश घेऊ इच्छिणाऱ्या उमेदवारांसाठी महाराष्ट्र सीईटी परीक्षा घेतली जात आहे.
एमएचटी सीईटी 2023 च्या निकालामध्ये एकूण टक्केवारी गुणांसह भौतिकशास्त्र, रसायनशास्त्र आणि गणिताचे विषयनिहाय गुण असतील. MHT CET 2023 चा निकाल अधिकृत वेबसाइटवर ऑनलाइन घोषित केला जाईल.