मनोज जरांगे पाटील यांच्यावर छत्रपती संभाजीनगरमधील रुग्णालयात उपचार सुरू होते, चार दिवसांच्या उपचारानंतर त्यांना डिसचार्ज मिळाला. त्यानंतर ते शुक्रवारी पुन्हा अतंरवाली सराटीमध्ये पोहोचले. मात्र मध्यरात्री पुन्हा एकदा जरांगे पाटील यांची तब्येत खालावली होती. असं असताना त्यांची आज अचानक प्रकृती खालावल्याची माहिती समोर आली आहे. मनोज जरांगे यांच्या अचानक छातीत दुखू लागलं आहे. यापूर्वी त्यांच्या छातीत कधीही दुखत नव्हतं. मनोज जरांगे यांच्यावर उपचार करणाऱ्या डॉक्टरांनी याबाबत माहिती दिली आहे.
अचानक छातीत दुखणे हे गंभीर आहे. मी सध्या इंजेक्शन आणि सलाईन लावले आहे. मात्र उपचाराला त्यांची साथ नाही. इथे केवळ प्राथमिक उपचार होतील. त्यांना तात्काळ छत्रपती संभाजीनगर येथे हलविण्याची गरज आहे. त्यांचे सध्या पल्स चांगले आहेत. मात्र छातीत कशामुळे दुखत आहे, याची माहिती पुढील उपचारानंतर कळेल. त्यामुळे त्यांना तातडीने पुढील उपचारासाठी हलवावे लागेल, अशी प्रतिक्रिया उपचार करणाऱ्या डॉ. विष्णू सकुंडे यांनी दिली आहे.
हेही वाचा –
आयुष्मान कार्ड योजना: कोणाला मिळणार 5 लाख रुपयांचा लाभ? एका क्लिकवर जाणून घ्या
Ayushman Card Yojana Benefits: जे खरोखर गरजू आहेत किंवा गरीब वर्गातून आले आहेत त्यांच्यासाठी सरकार अशा अनेक योजना राबवत आहे. या योजनांवर दरवर्षी कोट्यवधी रुपये खर्चही केले जातात, जेणेकरून लाभार्थ्यांना लाभ मिळावा. केंद्र सरकारच्या अशा अनेक योजना आहेत, ज्यामध्ये आर्थिक लाभ देण्यासोबतच अनेक प्रकारच्या सुविधाही उपलब्ध आहेत. अशीच एक योजना केंद्र सरकार चालवत आहे, तिचे नाव ‘आयुष्मान कार्ड योजना’ आहे. अशा परिस्थितीत, जर तुम्हाला हे जाणून घ्यायचे असेल की या योजनेत कोण सामील होऊ शकते. चला तर मग जाणून घेऊया आयुष्मान योजनेबद्दल…
कोणाला मिळणार लाभ? Ayushman Card
या योजनेचा लाभ घेण्यासाठी कच्च्या घरात राहणारे, भूमिहीन, अनुसूचित जाती किंवा जमातीचे, ग्रामीण भागात राहणारे, ट्रान्सजेंडर आणि दारिद्र्यरेषेखालील लोक याचा लाभ घेऊ शकतात. या लोकांना योजनेसाठी अर्ज करता येतो.
आयुष्मान कार्डसाठी या कागदपत्रांची आवश्यकता Ayushman Card
- आधार कार्ड
- रेशन कार्ड
- इनकम सर्टिफिकेट
- मोबाइल क्रमांक
- पासपोर्ट साईज फोटो
या योजनेसाठी असा करा अर्ज Ayushman Card
- आयुष्यमान भारत योजनेत अर्ज करण्यासाठी सर्वात अगोदर या योजनेच्या अधिकृत वेबसाईटला भेट द्या.
- नवीन नाव नोंदणीसाठी ‘New Registration’ वा ‘Apply’ यावर क्लिक करा.
- तुमचे नाव, लिंग, आधार क्रमांक, रेशन कार्ड इत्यादी माहिती नोंदवा.
- माहिती नोंदवल्यानंतर ती पुन्हा एकदा चेक करा.
- सर्व कागदपत्रे अपलोड करा.
- पूर्ण अर्ज एकदा तपासा आणि सबमिट करा.
- त्यानंतर आयुष्यमान भारत योजनेत हेल्ड कार्ड तयार होईल.