पांढरे केस काळे करण्यासाठी ‘हे’ घरगुती उपाय नक्की करा

म्हातारपणी केस पांढरे होणे हे सामान्य आहे. मात्र, कमी वयात केस पांढरे होणे ही चिंतेची बाब आहे. तज्ज्ञांच्या मते, चुकीचा आहार, खराब दिनचर्या आणि तणावामुळे केसांची समस्या उद्भवते. याशिवाय शरीरात व्हिटॅमिन-सीच्या कमतरतेमुळे केस पांढरे होतात. यासाठी व्हिटॅमिन-सी युक्त गोष्टींचा आहारात नक्कीच समावेश करा. यामुळे रोगप्रतिकारक शक्ती देखील मजबूत होते. लिंबूवर्गीय फळे आणि भाज्यांमध्ये व्हिटॅमिन-सी मुबलक प्रमाणात आढळते. जर तुम्हालाही पांढऱ्या केसांचा त्रास होत असेल तर हे 3 घरगुती उपाय अवश्य करा. 

कांदा

आरोग्य तज्ज्ञांच्या मते, कांदा पांढरे केस काळे करण्यासाठी उपयुक्त ठरतो. यासाठी कांदा चांगला कुस्करून रस तयार करा. आता कांद्याचा रस केसांना लावा. यानंतर केसांना मसाज करा. केस कोरडे झाल्यावर सामान्य पाण्याने केस धुवा. हा उपाय आठवड्यातून दोनदा करा.

यामुळे पांढरे केस काळे होतील.

आवळा 

आवळा हा व्हिटॅमिन-सीचा मुख्य स्त्रोत मानला जातो. सोप्या भाषेत सांगायचे तर आवळ्यामध्ये व्हिटॅमिन सी मुबलक प्रमाणात आढळते. त्याच्या वापरामुळे रोगप्रतिकारक शक्ती मजबूत होते. यासोबतच केसांच्या समस्येपासूनही सुटका मिळते.

Hair Fall : केस गळतीची समस्या झटपट दूर करण्यासाठी हे उपाय करुन पहा

खोबरेल तेल

आजी केसांना खोबरेल तेल लावण्याची शिफारस करतात. केसांना खोबरेल तेल लावल्याने केस काळे, दाट आणि लांब होतात, असा त्यांचा समज आहे. तसेच पांढऱ्या केसांच्या समस्येपासून मुक्ती मिळते. यासाठी आठवड्यातून दोनदा खोबरेल तेलाने केसांना मसाज करा.