मुंबई – शिवसेनेचे जवळपास 40 आमदार सध्या एकनाथ शिंदे यांच्यासोबत गुवाहाटीमध्ये आहेत. आमदारांच्या बंडामुळे ठाकरे सरकार धोक्यात आलं आहे. अशात सरकार वाचवण्यासाठी पूर्ण प्रयत्न केले जात आहे. मात्र, आता ठाकरे सरकारला आणखी एक मोठा धक्का बसला आहे. आता उच्च व तंत्र शिक्षण मंत्री उदय सामंत नॉट रिचेबल आहेत. उदय सामंत हेदेखील शिंदे गटात सामील झालं असल्याचं सांगितलं जात आहे. सुरतहून विशेष विमानाने उदय सामंत गुवाहाटीला रवाना होणार असल्याचं सांगण्यात येतं आहे.
उदय सामंत यांचं फ्लाईट तिकिट समोर आलं आहे. ते सध्या सुरतहून निघाले असून लवकरच गुवाहाटीमध्ये पोहोचणार असल्याचं सांगितलं जात आहे. हा उद्धव ठाकरेंसाठी मोठा धक्का असणार आहे. उदय सामंत हे उद्धव ठाकरेंचे निकटवर्तीय होते. सोबत शिवसेनेच्या बैठकांलाही ते उपस्थित होते. त्यामुळे त्यांकाम शिंदे गटात सामील होणं, शिवसेनेसाठी नक्कीच अनपेक्षित होतं.