कोल्हापूर – पत्र्याच्या पेटीत अज्ञात महिलेचा मृतदेह (Dead Body) आढळल्यामुळे कोल्हापुरात (Kolhapur) एकच खळबळ उडाली आहे. मानोली लघु पाटबंधारे जलाशयाच्या परिसरामध्ये हा प्रकार उघडकीस आला आहे. शाहूवाडी पोलिस ठाण्यामध्ये अज्ञाताविरुद्ध खून आणि खुनाचा पुरावा नष्ट करण्याचा प्रयत्न केल्या प्रकरणी गुन्हा दाखल करण्यात आला आहे.
सात ते आठ दिवसांपूर्वी गळा आवळून महिलेची हत्या (Murder) केल्याचा पोलिसांकडून संशय व्यक्त करण्यात येत आहे. मृत महिला ही 30 ते 32 वर्ष वयोगटातील असल्याचा अंदाज आहे.
काय आहे प्रकरण?
कोल्हापुरमध्ये पत्र्याच्या पेटीत अज्ञात महिलेचा मृतदेह आढळल्याची धक्कादायक घटना उघडकीस आली आहे. पर्यटनासाठी प्रसिद्ध आंबा या मुख्य गावापासून अवघ्या दीड किलोमीटर अंतरावर असलेल्या मानोली लघु पाटबंधारे जलाशयाच्या परिसरामध्ये हा धक्कादायक प्रकार घडला आहे.
सात ते आठ दिवसांपूर्वी महिलेचा गळा आवळून खून झाल्याचा संशय पोलिसांकडून व्यक्त करण्यात येत आहे. मयत महिला 30 ते 32 वर्ष वयोगटातील असल्याचा प्राथमिक अंदाज वर्तवला जात आहे. बेपत्ता असणाऱ्या महिलांच्या नातेवाईकांनी तसेच घटनेची माहिती असणाऱ्या नागरिकांनी शाहूवाडी पोलिसांशी संपर्क साधावा, असं आवाहन पोलिसांकडून करण्यात आलं आहे.