बंगाली चित्रपट आणि टीव्ही जगतातील सुप्रसिद्ध अभिनेत्री मधुमिता सरकार नुकतीच एका भीषण रस्ता अपघाताची बळी ठरली. ती भूतनाथ मंदिरात जात असताना हा अपघात झाला. त्यांच्या कारला ट्रकने धडक दिली, त्यामुळे कारचे मोठे नुकसान झाले. घटनेनंतर ट्रकचालकाने पळून जाण्याचा प्रयत्न केला मात्र पोलिसांनी त्याला जागीच पकडले. काय आहे संपूर्ण प्रकरण
मधुमिताने चाहत्यांना अपघाताची माहिती दिली. मधुमिता सरकारने सोशल मीडियाच्या माध्यमातून तिच्या चाहत्यांना या अपघाताची माहिती दिली आणि ती आता पूर्णपणे बरी असल्याचे सांगितले.
अभिनेत्रीने लाइव्ह व्हिडिओमध्ये सांगितले की, अपघाताच्या वेळी ती कारच्या मागील सीटवर बसली होती. ट्रकने तिच्या कारला इतकी जोरदार धडक दिली की कारचे मोठे नुकसान झाले. मधुमिताने अपघातस्थळावरील कारचे फोटोही शेअर केले आहेत, ज्यावरून अपघात किती गंभीर होता हे स्पष्ट झाले आहे.
मधुमिताची आतापर्यंतची कारकीर्द
मधुमिताने बंगाली टीव्हीमधून आपल्या करिअरची सुरुवात केली आणि आता ती मोठ्या पडद्यावरही काम करत आहे. तिने अभिनेता विक्रम चॅटर्जीसोबत नुकत्याच आलेल्या ‘सूरज’ या चित्रपटात काम केले आहे. याशिवाय ती ‘फेलू बक्षी’ या चित्रपटातही दिसणार आहे, ज्यामध्ये तिच्यासोबत टॉलिवूड अभिनेता सोहम चक्रवर्ती आणि बांगलादेशी अभिनेत्री पोरोमिनी देखील आहेत.