LPG Price: महागाईतून मोठा दिलासा, LPG सिलेंडर ‘इतक्या’ रुपयांनी स्वस्त, जाणून घ्या नवीन दर

नोव्हेंबरला इंधनाच्या किमतीत महागाईपासून थोडासा दिलासा मिळाला आहे. केंद्र सरकारने एलपीजी सिलिंडरच्या दरात कपात केली आहे. मात्र, देशभरातील व्यावसायिक एलपीजी सिलिंडरच्या दरात ही कपात झाली आहे. आज (मंगळवार) 1 नोव्हेंबर 2022 पासून 19 किलोचा व्यावसायिक LPG सिलेंडर 115.50 रुपयांनी स्वस्त झाला आहे. मात्र, घरगुती एलपीजी सिलिंडरच्या किंमतीत कोणताही बदल झालेला नाही. 6 जुलैपासून घरगुती सिलेंडरची किंमत स्थिर आहे.

महानगरांमध्ये व्यावसायिक सिलिंडरचे नवीन दर काय आहेत

दिल्लीत 19 किलोच्या इंडेन एलपीजी सिलेंडरची नवीन किंमत आता 1744 रुपये झाली आहे, जी पूर्वी 1859.5 रुपये होती.
मुंबईत 1844 मध्ये व्यावसायिक सिलिंडर उपलब्ध होते, ते आता 1696 रुपयांना मिळणार आहेत.
चेन्नईमध्ये व्यावसायिक एलपीजी सिलिंडरची किंमत आता 1893 रुपये आहे, ज्यासाठी पूर्वी 2009.50 रुपये मोजावे लागत होते.
आता कोलकातामध्ये व्यावसायिक सिलेंडरची किंमत 1846 रुपये असेल, जी आधी 1995.50 रुपये होती.

जनतेला दिलासा देत सरकारने व्यावसायिक एलपीजीच्या किमती कमी केल्या आहेत. मात्र, घरगुती एलपीजीच्या किमतीत कोणताही बदल झालेला नाही. सरकारने व्यावसायिक एलपीजी सिलिंडरची किंमत 115.50 रुपयांनी कमी केली आहे.

14.2 किलो सिलेंडरचा नवीनतम दर काय आहे?

दिल्लीत घरगुती सिलिंडरची किंमत 1053 रुपये आहे. तर 14.2 किलोचा सिलेंडर कोलकात्यात 1079 रुपये, चेन्नईमध्ये 1068.5 आणि मुंबईत 1052 रुपयांना उपलब्ध आहे. भारतातील गॅस कंपन्या दर महिन्याच्या पहिल्या तारखेला एलपीजी गॅस सिलिंडरची किंमत निश्चित करतात.

दर महिन्याच्या पहिल्या तारखेला किंमत निश्चित केली जाते

देशातील गॅस कंपन्या प्रत्येक महिन्याच्या पहिल्या तारखेला 14 किलो घरगुती आणि 19 किलोच्या व्यावसायिक गॅस सिलिंडरची किंमत निश्चित करतात. यापूर्वी 1 ऑक्टोबर रोजी व्यावसायिक गॅस सिलिंडरच्या दरात 25.5 रुपयांची कपात करण्यात आली होती. तर घरगुती गॅस सिलिंडरच्या दरात कोणताही बदल करण्यात आलेला नाही.