तंत्रज्ञानामुळे आपले जीवन सुकर झाले आहे यात शंका नाही. पूर्वीच्या तुलनेत प्रत्येक काम करणे सोपे आणि वेळेची बचत झाली आहे. आजकाल बहुतांश सेवा ऑनलाईन उपलब्ध आहेत. तुम्हाला कामासाठी तुमचे हायस्कूलचे प्रमाणपत्र हवे असेल, आधार कार्ड असेल किंवा पासपोर्ट हे सर्व ऑनलाइन उपलब्ध आहेत. लोक त्यांची कागदपत्रे डिजिटली सेव्ह ठेवण्यासाठी डिजिलॉकर वापरतात. या अॅपमध्ये सर्व प्रकारची कागदपत्रे सेव्ह केली जातात आणि गरज पडल्यास ती कुठेही सादर करता येतात. आता लोकांना पूर्वीप्रमाणे फायली हातात घेऊन फिरण्याची गरज नाही. आज, या लेखाद्वारे जाणून घ्या, तुम्ही तुमचे मतदार ओळखपत्र डिजिटल पद्धतीने कसे डाउनलोड करू शकता. होय, हे शक्य आहे आणि तुम्ही ते मोबाईलमध्ये सेव्ह देखील करू शकता. ज्यांचे मतदार ओळखपत्र हरवले आहे त्यांच्यासाठी हा लेख खूप महत्वाचा आहे.
मतदार ओळखपत्राद्वारेच आपण निवडणुकीच्या वेळी मतदान करतो आणि सरकार निवडतो. मतदार ओळखपत्र हे भारतातील महत्त्वाच्या कागदपत्रांपैकी एक आहे. 18 वर्षांवरील कोणतीही व्यक्ती मतदार ओळखपत्रासाठी अर्ज करू शकते. अर्ज करण्यासाठी तुम्हाला कुठेही जाण्याची गरज नाही. हे काम तुम्ही घरी बसून करू शकता.
हेही वाचा – Aadhaar Card Upadte: आधार कार्ड किती वेळा करता येऊ शकते अपडेट, जाणून घ्या सर्व माहिती
मतदार ओळखपत्र डाउनलोड करण्यासाठी तुमचा मोबाईल क्रमांक मतदार ओळखपत्राशी जोडलेला असणे आवश्यक आहे. जर तुमचा नंबर लिंक नसेल, तर प्रथम भारतीय निवडणूक आयोगाच्या पोर्टलला भेट देऊन तुमचा नंबर लिंक करा. मतदार कार्डशी नंबर लिंक करण्यासाठी, सर्वप्रथम तुम्ही निवडणूक आयोगाच्या अधिकृत वेबसाइटवर जा. होम पेजवर क्लिक केल्यानंतर फॉर्म 8 वर क्लिक करा. तुम्हाला तुमचे स्वतःचे मतदार ओळखपत्र डाउनलोड करायचे असल्यास, सेल्फवर क्लिक करा, तुम्ही फॅमिली डाउनलोड करत असाल तर फॅमिली हा पर्याय निवडा. यानंतर, मतदार यादीतील नोंदी सुधारण्यावर क्लिक करा आणि फोन नंबर टाकून सबमिट करा. लक्षात ठेवा, फोन नंबर लिंक होण्यासाठी काही दिवस लागू शकतात.
हेही वाचा – आधार कार्ड हरवल्यास मोबाईल नंबरशिवाय तुम्ही आधार कार्ड कसं मिळवाल? आमच्याकडे आहे उत्तर..
तुमचा फोन नंबर लिंक झाल्यावर पुन्हा वेबसाइटला भेट द्या. आता EPIC क्रमांक टाका आणि त्याची पडताळणी होऊ द्या. पडताळणीनंतर, तुमच्या फोन नंबरवर एक OTP येईल, तो एंटर करा आणि तुमचे मतदार कार्ड डाउनलोड करा. भविष्यातील संदर्भासाठी मोबाईल किंवा लॅपटॉपमध्ये सेव्ह करा.
Aadhaar Card Update: आधार कार्डशी संबंधित कोणतीही समस्या आता एका कॉलवर सुटणार!