तामिळनाडूच्या अरक्कोनम शहरात एक मोठी दुर्घटना घडली आहे. रानीकोट जिल्ह्यातील अरक्कोनम येथील नेमिलीच्या मंडिअम्मन मंदिरात उत्सवादरम्यान क्रेन उलटून तीन जणांचा मृत्यू झाला. या अपघातात 10 जण जखमी झाले आहेत. सर्व जखमींना उपचारासाठी अकोनाम आणि तिरुवल्लूर येथील सरकारी रुग्णालयात दाखल करण्यात आले आहे.
मिळालेल्या माहितीनुसार, रानीकोट जिल्ह्यातील अरक्कोनम भागात असलेल्या नेमिलीच्या मंडियमम्‍मन मंदिरात परिसरातील अनेक गावातील लोक जमले होते. अरक्कोनम येथील मंडिअम्मन मंदिरात हा उत्सव सुरू होता. मायलेरू नावाच्या सणाबद्दल खूप उत्साह होता आणि मंडिअम्मन मंदिरात लोकांची मोठी गर्दी झाली होती. जणू जत्राच होती.
प्रथेनुसार लोक क्रेनला लटकून पुष्पहार घालण्याचा प्रयत्न करत होते. मुथू कुमार, बूपलन आणि जोठी बाबू हेही क्रेनला लटकून पुष्पहार घालण्याचा प्रयत्न करत होते. तिघेही क्रेनला लटकून पुष्पहार घालण्याचा प्रयत्न करत होते. दरम्यान, अचानक तिघेही ज्या क्रेनला पुष्पहार घालण्यासाठी लटकले होते, तीच क्रेन असंतुलित झाली.
Three killed when a crane crashed in temple fest in Keezhveedhi village near Nemili, Arakonam, #TamilNadu @dt_next @CMOTamilnadu @tnpoliceoffl @PKSekarbabu pic.twitter.com/pstwc6BpLC
— Raghu VP / ரகு வி பி / രഘു വി പി (@Raghuvp99) January 22, 2023
क्रेनच्या घटनेचा व्हिडिओही समोर आला आहे. क्रेन उलटताच घटनास्थळी चेंगराचेंगरी झाली. अनेक जण क्रेनमधून पळून जाण्यात यशस्वी झाले तर 10 जण क्रेनखाली आले. क्रेन उलटल्यानंतर लोकांनी घटनास्थळी धाव घेत सर्व लोकांना तेथून बाहेर काढले. लोकांनी घाईघाईत सर्वांना जवळच्या हॉस्पिटलमध्ये नेले.
क्रेनवर लटकलेल्या मुथू कुमार, बूपालन आणि जोठी बाबू या तिन्ही लोकांना डॉक्टरांनी मृत घोषित केले. अन्य 10 जखमींवर उपचार सुरू आहेत. 10 जखमींवर अरक्कोनम आणि तिरुवल्लूरच्या सरकारी रुग्णालयात उपचार सुरू असल्याचे सांगण्यात येत आहे. अपघाताची माहिती मिळताच नेमिली पोलीसही घटनास्थळी पोहोचले. नेमिली पोलिसांनी अपघाताचा तपास सुरू केला आहे.