मास्टरबेशन म्हणजे हस्तमैथुन — एक नैसर्गिक, सुरक्षित आणि बहुतेक सर्वांनी अनुभवलेली लैंगिक क्रिया. पण आजही आपल्या समाजात याविषयी खुलेपणाने बोलले जात नाही, त्यामुळे त्याविषयी अनेक चुकीचे समज पसरले आहेत. काही लोक ते व्यसन आहे असे मानतात, तर काहींना वाटते की त्याचे गंभीर दुष्परिणाम होतात. मात्र, विज्ञान काय सांगतं?
चला तर मग जाणून घेऊया हस्तमैथुनाबाबत असलेल्या ७ मोठ्या गैरसमज आणि त्यांच्या मागचं खरं वैज्ञानिक सत्य.
चुकीचा समज १: मास्टरबेशन केल्याने मेंदू कमजोर होतो
सत्य:
हा गैरसमज पूर्णतः चुकीचा आहे. हस्तमैथुनामुळे मेंदूला काहीही अपाय होत नाही. उलट, सेक्सुअल आनंदामुळे मेंदूमध्ये डोपामिन आणि ऑक्सिटोसिन सारखे आनंददायी हार्मोन्स वाढतात, जे मानसिक ताण कमी करतात आणि मूड सुधारतात.
चुकीचा समज २: वारंवार मास्टरबेशन केल्याने शरीर दुर्बळ होतं
सत्य:
हस्तमैथुनामुळे शरीरातील ऊर्जा निघून जाते, हा समज चुकीचा आहे. हा एक नैसर्गिक शारीरिक प्रतिसाद आहे. अति प्रमाणात (जसे की दिवसातून अनेक वेळा) केल्यास थकवा जाणवू शकतो, पण योग्य प्रमाणात केल्यास कोणताही त्रास होत नाही.
चुकीचा समज ३: मास्टरबेशनमुळे डोळ्यांची दृष्टी कमी होते
सत्य:
या गोष्टीला कोणताही वैज्ञानिक आधार नाही. डोळ्यांची दृष्टी आणि हस्तमैथुन यांचा काहीही संबंध नाही. ही फक्त सामाजिक भीती पसरवणारी अंधश्रद्धा आहे.
चुकीचा समज ४: स्पर्मची नासाडी होते, त्यामुळे नपुंसकत्व येते
सत्य:
शरीरात स्पर्म सतत निर्माण होत असतो. हस्तमैथुन करताना तो बाहेर जाऊ शकतो, पण त्यामुळे शरीरात कमतरता निर्माण होत नाही. मास्टरबेशनमुळे भविष्यात वंध्यत्व येतं हा समज वैज्ञानिकदृष्ट्या चुकीचा आहे.
चुकचा समज ५: हे पाप आहे, त्यामुळे दैवी शिक्षा होते
सत्य:
मास्टरबेशन हा एक नैसर्गिक शारीरिक प्रतिसाद आहे. तो कोणत्याही धार्मिक, नैतिक किंवा अध्यात्मिक पातळीवर चुकीचा नाही, जोवर तो अत्यधिक प्रमाणात केला जात नाही आणि तो दैनंदिन जीवनात अडथळा ठरत नाही.
चुकीचा समज ६: विवाहानंतर मास्टरबेशन करणं म्हणजे जोडीदारावर धोका
सत्य:
विवाहानंतरसुद्धा काही लोक वैयक्तिक वेळात हस्तमैथुन करतात, आणि हे पूर्णतः नैसर्गिक आहे. जोपर्यंत हे नात्याच्या जवळिकीवर परिणाम करत नाही, तोपर्यंत त्यात काहीही चुकीचं नाही. प्रत्येकाच्या लैंगिक गरजा वेगळ्या असतात.
चुकीचा समज ७: हे व्यसनासारखं आहे, यापासून सुटका नाही
सत्य:
हस्तमैथुन व्यसन होतो असा समज खोटा आहे. मात्र, जर कोणी दिवसभरात अनेक वेळा मास्टरबेशन करत असेल, सामाजिक आयुष्य, काम किंवा नात्यांवर त्याचा परिणाम होत असेल, तर तो सामाजिक सल्ला किंवा मानसोपचार घेणं गरजेचं आहे. पण अशा केसेस दुर्मिळ असतात.
हस्तमैथुनाचे काही सकारात्मक फायदे
-
तणाव कमी करतो
-
झोप सुधारतो
-
मन:शांती वाढते
-
आपल्या शरीराची समज वाढते
-
लैंगिक गरज समजून घेण्यास मदत होते
काय काळजी घ्यावी?
हस्तमैथुन करताना काही गोष्टी लक्षात ठेवाव्यात:
-
स्वच्छतेची काळजी घ्या
-
अत्याधिक मास्टरबेशन टाळा
-
गिल्ट किंवा अपराधभाव ठेवू नका
-
हे एक नैसर्गिक प्रक्रिया आहे याची स्वतःला सतत आठवण करून द्या
मास्टरबेशन म्हणजे व्यसन नाही, आणि ते आरोग्यासाठी घातकही नाही — जोपर्यंत ते अत्याधिक प्रमाणात, नियंत्रणशून्य, किंवा दैनंदिन आयुष्यावर प्रभाव टाकणाऱ्या स्वरूपात नाही. या विषयावर समाजात खुलेपणाने बोलणं गरजेचं आहे, जेणेकरून तरुणांमध्ये भीती, अपराधभाव आणि चुकीच्या समजुती पसरू नयेत.