आयसीसी चॅम्पियन्स ट्रॉफी २०२५ दरम्यान क्रिकेट जगताला मोठा धक्का बसला आहे. दक्षिण आफ्रिकेच्या या दिग्गज क्रिकेटपटूच्या निधनामुळे क्रिकेट विश्वात शोककळा पसरली आहे. कसोटी क्रिकेटमधील सर्वात वयस्कर खेळाडू रॉन ड्रेपर यांनी वयाच्या ९८ व्या वर्षी अखेरचा श्वास घेतला. ड्रेपर दक्षिण आफ्रिकेच्या संघासाठी सलामीवीर फलंदाज तसेच विकेटकीपिंगची भूमिका बजावताना दिसला होता.
Ron Draper, the oldest living Test cricketer, passed away at 98 in Gqeberha on Tuesday. Draper played two Tests for South Africa against Australia in 1950, and his passing leaves former opponent Neil Harvey, 96, as the oldest living Test player. pic.twitter.com/t8NY4LjmPE
— Radar Africa (@radarafricacom) February 28, 2025
दक्षिण आफ्रिकेच्या रॉन ड्रेपरचे वयाच्या ९८ वर्षे आणि ६३ दिवसांनी गकेबारा येथे निधन झाले. ड्रेपरच्या मृत्यूची बातमी त्याच्या कुटुंबाने दिली. १९५० मध्ये ड्रॅपरने दक्षिण आफ्रिकेकडून ऑस्ट्रेलियाविरुद्ध दोन कसोटी सामने खेळले. रॉन ड्रेपरच्या निधनानंतर, दक्षिण आफ्रिकेचा नील हार्वे सध्या जिवंत असलेला सर्वात वयस्कर कसोटी क्रिकेटपटू बनला आहे. याआधी, सर्वाधिक काळ जगणाऱ्या कसोटी क्रिकेटपटूंमध्ये दक्षिण आफ्रिकेचे नाव अव्वल स्थानावर होते. नॉर्मन गॉर्डन यांचे २०१६ मध्ये वयाच्या १०३ व्या वर्षी निधन झाले. त्यांच्याशिवाय, जॉन वॉटकिन्स यांचेही २०२१ मध्ये वयाच्या ९८ व्या वर्षी निधन झाले.
ड्रेपरने ऑस्ट्रेलियाविरुद्ध पदार्पण केले
रॉन ड्रेपर यांचा जन्म २४ डिसेंबर १९२६ रोजी झाला. १९४९/५० मध्ये ऑस्ट्रेलियन संघ दक्षिण आफ्रिकेच्या दौऱ्यावर गेला तेव्हा ड्रेपरने प्रोव्हिडन्स संघासाठी उत्कृष्ट खेळ केला. ज्यामुळे त्याला दक्षिण आफ्रिकेच्या संघात खेळण्याची संधी मिळाली. त्याने आफ्रिकेसाठी ३ डावात फक्त २५ धावा केल्या. तथापि, ड्रेपर हा प्रथम श्रेणी क्रिकेटमध्ये एक हुशार खेळाडू होता. ड्रेपर यांचे मंगळवारी त्यांच्या निवृत्ती गृहात निधन झाले. शुक्रवारी त्यांचे जावई नील थॉमसन यांनी त्यांच्या निधनाच्या वृत्ताला दुजोरा दिला.