‘काही दिवसांपूर्वी हेच लोक शिव्या देत होते’, शतक झळकावल्यानंतर केएल राहुलचे मोठे वक्तव्य

खेळविश्व
By Team Inside Marathi
WhatsApp Group

भारत आणि दक्षिण आफ्रिका यांच्यात दोन सामन्यांच्या कसोटी मालिकेतील पहिला सामना खेळला जात आहे. या सामन्यात प्रथम फलंदाजी करणाऱ्या टीम इंडियाचा संघ 245 धावांवर ऑलआऊट झाला. यानंतर दक्षिण आफ्रिकेने 5 विकेट गमावून 256 धावा केल्या आहेत. दक्षिण आफ्रिकेच्या संघाकडे सध्या 11 धावांची आघाडी आहे. या सामन्यात, भारतीय संघ आपल्या पहिल्या डावात खूप अडचणीत असल्याचे दिसत होते, परंतु केएल राहुलने शानदार खेळी खेळली आणि टीम इंडिया अडचणीतून बाहेर आली आणि भारताला सन्मानजनक धावसंख्या उभारण्यात मदत झाली.

दक्षिण आफ्रिकेविरुद्धच्या बॉक्सिंग डे कसोटी सामन्यात केएल राहुलने शानदार खेळी केली. त्याने 137 चेंडूत 101 धावा केल्या. या खेळीनंतर केएल राहुलने मोठे वक्तव्य केले आहे. तो म्हणाला की, आज मी शतक झळकावले आहे, त्यामुळे लोक माझे कौतुक करत आहेत. 3-4 महिन्यांपूर्वी सगळे मला शिव्या देत होते. हा खेळाचा भाग आहे. असे घडत असते. यापासून दूर राहणे आपल्या खेळासाठी चांगले आहे.

काही महिन्यांपूर्वी केएल राहुल खूपच खराब फॉर्ममधून जात होता. दुखापती आणि खराब फॉर्ममुळे त्याला सोशल मीडियावर ट्रोलिंगचा सामना करावा लागला. दुखापतीनंतर केएल राहुलने टीम इंडियात पुनरागमन करताच काही लोकांनी त्याच्या विश्वचषक संघात असण्यावर अनेक प्रश्न उपस्थित केले. केएल राहुलने विश्वचषकातील आपल्या उत्कृष्ट फॉर्मने या सर्वांना उत्तर दिले. आता केएल राहुलने कसोटी क्रिकेटमध्येही जोरदार पुनरागमन केले आहे. त्यानंतर त्यांचे हे मोठे वक्तव्य समोर आले आहे.

केएल राहुलने बॉक्सिंग डे कसोटीत शतक झळकावून अनेक मोठे विक्रम आपल्या नावावर केले आहेत. याआधी टीम इंडियाने शेवटचा बॉक्सिंग डे कसोटी सामना 2021 मध्ये दक्षिण आफ्रिकेविरुद्ध खेळला होता. या सामन्यात केएल राहुलनेही शतक झळकावले होते. बॉक्सिंग डे टेस्टमध्ये बॅक टू बॅक सेंच्युरी करणारा तो जगातील दुसरा खेळाडू आहे. याशिवाय सेंच्युरियनमध्ये बाहेरच्या फलंदाजाकडून सर्वाधिक कसोटी धावा करण्याच्या बाबतीत केएल राहुलही पहिल्या क्रमांकावर पोहोचला आहे.