KKR च्या नवीन कर्णधाराची घोषणा, ‘हा’ स्टार खेळाडू सांभाळणार संघाची धुरा

खेळविश्व
By Team Inside Marathi
WhatsApp Group

आयपीएलचा 16वा सीझन 31 मार्चपासून सुरू होत आहे. या लीगसाठी सर्व 10 संघ पूर्णपणे तयार आहेत. त्याचवेळी श्रेयस अय्यरच्या दुखापतीनंतर कोलकाता नाईट रायडर्सचा नवा कर्णधार कोण होणार याची सर्व क्रिकेट चाहत्यांना प्रतीक्षा होती. या पदासाठी अनेक स्टार खेळाडूंच्या नावांची चर्चा होती. पण आता KKR ने स्वतःच जाहीर केले आहे की या मोसमासाठी त्यांचा कर्णधार कोण असेल.

श्रेयस अय्यर पाठीच्या दुखापतीतून पूर्णपणे बरा होऊ शकलेला नाही. त्यामुळे तो आयपीएलच्या बहुतांश सामन्यांमधून बाहेर असणार आहे. त्याचवेळी केकेआरला त्याच्या जागी कर्णधाराची गरज होती. केकेआरने युवा फलंदाज नितीश राणाकडे ही जबाबदारी सोपवली आहे. अय्यरच्या अनुपस्थितीत नितीश या हंगामात केकेआरची धुरा सांभाळणार आहे.

श्रेयस अय्यरची दुखापत केकेआरसाठी डोकेदुखी ठरली होती. नितीश राणा पहिल्यांदाच आयपीएलमध्ये कोणत्याही संघाचे नेतृत्व करताना दिसणार आहेत. नितीश राणाला केकेआरने मुंबई इंडियन्ससाठी काही वर्षांनंतर संघात स्थान दिले. त्याने केकेआर संघासाठी 91 सामन्यात 2181 धावा केल्या आहेत. त्याची सर्वोत्तम धावसंख्या 87 धावा आहे. IPL 2022 मध्ये त्याने केकेआर संघासाठी 14 सामन्यात 361 धावा केल्या.

अय्यर बराच काळ क्रिकेटपासून दूर 

श्रेयस अय्यरला पाठीच्या दुखापतीची समस्या आहे, त्यासाठी त्याच्यावर शस्त्रक्रिया करावी लागणार आहे. याच कारणामुळे तो 4 ते 5 महिने क्रिकेटच्या मैदानापासून दूर राहू शकतो. या कारणास्तव तो आयपीएल 2023 आणि वर्ल्ड टेस्ट चॅम्पियनशिपच्या फायनलमध्ये खेळू शकणार नाही. भारत आणि ऑस्ट्रेलिया यांच्यातील वर्ल्ड टेस्ट चॅम्पियनशिपचा अंतिम सामना 7 ते 11 जून दरम्यान इंग्लंडमधील ओव्हल येथे खेळवला जाणार आहे. आयपीएल 2022 च्या मेगा लिलावात केकेआर संघाने त्याला 12.25 कोटी रुपयांना विकत घेतले. आयपीएल 2022 च्या 14 सामन्यांमध्ये त्याने 401 धावा केल्या.

आयपीएलमधील केकेआर संघाचे आतापर्यंतचे कर्णधार

  • सौरव गांगुली – 27 सामने
  • ब्रेंडन मॅक्क्युलम – 13 सामने
  • गौतम गंभीर – 122 सामने
  • जॅक कॅलिस – 2 सामने
  • दिनेश कार्तिक – 37 सामने
  • इऑन मॉर्गन – 24 सामने
  • श्रेयस अय्यर – 14 सामने