KKR vs DC: ईडन गार्डन्स स्टेडियमवर दिल्ली कॅपिटल्स आणि कोलकाता नाईट रायडर्स यांच्यात आज सामना खेळला गेला. या सामन्यात नाणेफेक जिंकल्यानंतर ऋषभ पंतने प्रथम फलंदाजी करण्याचा निर्णय घेतला, परंतु दिल्लीकहा संघ आपल्या कर्णधाराच्या या निर्णयाचे समर्थन करू शकला नाही. दिल्लीने 20 षटकांची फलंदाजी केली, ज्यात 9 विकेट गमावून 154 धावांचे लक्ष्य ठेवले होते. कोलकाताने 7 गडी राखत हा सामना जिंकला आहे. दिल्लीकडून कुलदीप यादवने सर्वात मोठी खेळी खेळली.
या सामन्यात नाणेफेक जिंकून प्रथम फलंदाजी करण्यासाठी आलेल्या दिल्ली कॅपिटल्स संघाने निराशाजनक फलंदाजी केली. दिल्लीची सुरुवात इतकी खराब झाली होती की ते 20 षटकेही फलंदाजी करू शकणार नव्हते. पण, कुलदीप यादवने 35 धावा करत दिल्लीला सन्मानजनक धावसंख्येपर्यंत नेले.
दिल्लीच्या डावाबद्दल बोलायचे झाले तर पृथ्वी शॉ 13, जेक फ्रेझर 12, अभिषेक पोरेल 18, शे होप 6, ऋषभ पंत 27, अक्षर पटेल 15, ट्रिस्टन स्टब्स 4, कुमार कुशाग्रा 1, रसिक दार सलाम 8 धावांवर बाद झाले. दिल्लीच्या डावाचे सर्वात मोठे आकर्षण म्हणजे कुलदीप यादवने 26 चेंडूत 5 चौकार आणि 1 षटकाराच्या मदतीने 35 धावा केल्या. दिल्लीने 20 षटकांची फलंदाजी करत 9 गडी गमावून 153 धावा केल्या.
कोलकाता नाईट रायडर्सकडून चांगली गोलंदाजी पाहायला मिळाली. वरुण चक्रवर्तीने अप्रतिम गोलंदाजी करत अवघ्या 16 धावांत 3 बळी घेतले. याशिवाय वैभव अरोरा आणि हर्षित राणा यांनी 2-2 बळी घेतले. त्याचवेळी माघारी परतलेल्या मिचेल स्टार्क आणि सुनील नरेन यांनी त्यांच्या खात्यात 1-1 विकेट नोंदवली.
दोन्ही संघ
कोलकाता नाइट रायडर्स : फिलिप सॉल्ट (यष्टीरक्षक), सुनील नरेन, व्यंकटेश अय्यर, श्रेयस अय्यर (कर्णधार), आंद्रे रसेल, रिंकू सिंग, रमणदीप सिंग, मिचेल स्टार्क, वैभव अरोरा, हर्षित राणा, वरुण चक्रवर्ती.
दिल्ली कॅपिटल्स: पृथ्वी शॉ, जेक फ्रेझर-मॅकगर्क, अभिषेक पोरेल, शाई होप, ऋषभ पंत (यष्टीरक्षक/कर्णधार), ट्रिस्टन स्टब्स, अक्षर पटेल, कुलदीप यादव, रसिक दार सलाम, लिझाद विल्यम्स, खलील अहमद.