Asia Cup 2023: आशिया कपचा सर्वात मोठा विक्रम किंग कोहलीच्या नावावर

0
WhatsApp Group

आशिया कप 2023 चे वेळापत्रक जाहीर झाले आहे. ही स्पर्धा 31 ऑगस्टपासून सुरू होणार असून तिचा अंतिम सामना 17 सप्टेंबरला होणार आहे. यावेळी आशिया चषकाचे आयोजन हायब्रीड मॉडेल अंतर्गत केले जाणार आहे. आशिया चषकाचे फक्त 4 सामने पाकिस्तानात होणार आहेत. याशिवाय उर्वरित 9 सामने श्रीलंकेत आयोजित केले जातील. मात्र, सामन्यांचे वेळापत्रक आणि ठिकाण अद्याप जाहीर करण्यात आलेले नाही. विराट कोहलीच्या नावावर असे अनेक विक्रम असले तरी आशिया चषक स्पर्धेत त्याच्या नावावर असा विक्रम आहे, ज्याच्या आसपास आजपर्यंत कोणताही खेळाडू पोहोचू शकलेला नाही. आज आम्ही त्याच्या एका मोठ्या रेकॉर्डबद्दल सांगणार आहोत.

कोहलीच्या नावावर आशिया कपच्या मोठ्या विक्रमाची नोंद 

विराट कोहलीला विनाकारण रन मशीन कोहली, चेस मास्टर म्हटले जात नाही. कोहलीने आंतरराष्ट्रीय क्रिकेटमध्ये अनेक उत्कृष्ट खेळी खेळल्या असून अनेक विक्रम आपल्या नावावर केले आहेत. त्याने असे काही विक्रमही केले आहेत जे कोणत्याही फलंदाजाला तोडणे कठीण आहे. आशिया कपमध्ये विराट कोहलीच्या नावावर असाच विक्रम आहे. आशिया कपमध्ये सर्वाधिक वैयक्तिक धावा करण्याचा विक्रम विराटच्या नावावर आहे. कोहलीने हा विक्रम पाकिस्तानविरुद्ध केला होता.

18 मार्च 2012 रोजी झालेल्या आशिया कप सामन्यात पाकिस्तानने भारताला विजयासाठी 330 धावांचे लक्ष्य दिले होते. या सामन्यात पाकिस्तानने दिलेल्या धावांचा पाठलाग करताना कोहलीने 183 धावांची खेळी केली. कोहलीच्या या विक्रमासमोर आशियातील एकही फलंदाज आजपर्यंत टिकू शकलेला नाही.