“मी त्याच्या कानाखाली मारणार”, टीम इंडियाच्या ‘या’ खेळाडूवर कपिल देव संतापले

भारतीय संघाचे माजी खेळाडू कपिल देव कोणत्या ना कोणत्या कारणाने चर्चेत असतात. कपिल देव अनेकदा खेळाडूंवर कठोर टिप्पणी करण्यासाठी ओळखले जातात. ते अतिशय निर्भीडपणे आणि निर्भयपणे आपला दृष्टिकोन चाहत्यांसोबत शेअर करत असतात. यामुळे त्यांना अनेकदा ट्रोलचा सामना करावा लागला आहे. त्याचवेळी टीम इंडियाचा यष्टीरक्षक फलंदाज ऋषभ पंत याच्या बद्धल केलेल्या एका विधानामुळे ते चर्चेत आले आहेत.

भारतीय संघाचा युवा यष्टीरक्षक फलंदाज ऋषभ पंत 31 डिसेंबर रोजी दिल्ली-डेहराडून महामार्गावर झालेल्या अपघातात गंभीर जखमी झाला होता. त्यामुळे तो टीम इंडियाचा भाग नाही. त्याच्या अनुपस्थितीत टीम इंडिया पुराचं कॉम्बिनेशन बिघडलं आहे. ज्यावर 1983 चा विश्वचषक विजेता कर्णधार कपिल देव यांनी आपली प्रतिक्रिया दिली आहे. ते म्हणाले,

“ऋषभ पंत लवकर बरा व्हावा अशी माझी इच्छा आहे. तो बरा होईल तेव्हा मी जाऊन त्याच्या कानाखाली मारणार. त्याच्या दुखापतीने संपूर्ण संघाचे कॉम्बिनेशन खराब केले आहे. आजकालची तरुण मुलं अशा चुका का करतात? म्हणूनच कानाखाली मारावी लागेल. असं कपिल देव म्हणाले आहेत.