के. एम. पी. युवा कबड्डी सिरीज मध्ये रायगड मराठा मार्वेल्स, मुंबई उनगर मुर्थाल मॅग्नेट्स संघाचा सलग दुसरा विजय

क्रांतीज्योत महिला प्रतिष्ठान युवा कबड्डी सिरीज – आंतर जिल्हा युवा लीगच्या दुसऱ्या दिवशी चांगला खेळ बघायला मिळाला. मुंबई उपनगर मुर्थाल मॅग्नेट्स विरुद्ध पालघर काझीरंगा रहिनोस यांच्यात झालेल्या आजच्या पहिल्या रोमांचक सामन्यांत शेवटच्या क्षणी मुंबई उपनगर संघाने 39-34 असा विजय मिळवला. आज पुन्हा एकदा आकाश रुडेलेचा आक्रमक खेळ बघायला मिळाला. त्याला बचावपटू अलंकार पाटीलने चांगली साथ दिली. पालघर संघाला पुन्हा एकदा अटीतटीच्या सामन्यांत हार पत्करावी लागली.

आज झालेल्या दुसऱ्या सामन्यांत अहमदनगर पेरियार पँथर्स 45-30 असा कोल्हापूर ताडोबा टायगर्स संघाचा पराभव करत गुणतालिकेत पहिल्या स्थानावर गेला. शिवम पटारे ने चढाईत 17 गुणांची कमाई करत संघाचा विजय सोपा केला. तर कोल्हापूरच्या तेजस पाटीलची 21 गुणांची खेळी पुन्हा व्यर्थ गेली.

यासिन आंबीच्या अष्टपैलू खेळाने सांगली सिंध सोनिक्सच्या संघाने पहिला विजय साकारला. तर लातूर विजयनगारा विर्स संघाचा सलग दुसरा पराभव झाला. आज झालेल्या शेवटचा सामनाचा निकाल शेवटच्या मिनिटाला लागला. रायगड मराठा मार्वेल्स संघाने 29-26 असा पुणे पलानी टास्कर्सचा पराभव करत सलग दुसरा विजय मिळवला. रायगड कडून रुतिक पाटीलने सुपर टेन पूर्ण केला.

दिवस १ : संक्षिप्त निकाल

5. मुंबई उपनगर मुर्थाल मॅग्नेट्स 39 विरुद्ध पालघर काझीरंगा रहिनोस 34

6. अहमदनगर पेरियार पँथर्स 45 विरुद्ध कोल्हापूर ताडोबा टायगर्स 30

7. लातूर विजयनगारा विर्स 22 विरुद्ध सांगली सिंध सोनिक्स 34

8. पुणे पलानी टास्कर्स 26 विरुद्ध रायगड मराठा मार्वेल्स 29