२०२५ च्या चॅम्पियन्स ट्रॉफीच्या मध्यभागी इंग्लंड क्रिकेट संघाला मोठा धक्का बसला आहे. संघाचा कर्णधार जोस बटलरने पांढऱ्या चेंडूच्या कर्णधारपदाचा राजीनामा दिला आहे. दक्षिण आफ्रिकेविरुद्धच्या सामन्यात बटलर शेवटचे कर्णधारपद भूषवताना दिसणार आहे. स्पर्धेत इंग्लंडची कामगिरी अत्यंत लज्जास्पद होती आणि अफगाणिस्तानकडून पराभव पत्करून संघाला स्पर्धेतून बाहेर पडावे लागले. इंग्लंडने गेल्या १० पैकी ९ एकदिवसीय सामने गमावले आहेत.
२०२५ च्या चॅम्पियन्स ट्रॉफीमधून इंग्लंडच्या बाहेर पडल्यानंतर जोस बटलरने व्हाईट बॉल कर्णधारपदाचा राजीनामा दिला आहे. बटलर गट फेरीतील दक्षिण आफ्रिकेविरुद्धच्या शेवटच्या सामन्यात कर्णधारपद भूषवताना दिसेल. बटलरच्या नेतृत्वाखाली, इंग्लंडला स्पर्धेत अफगाणिस्तानविरुद्ध मानहानीकारक पराभव पत्करावा लागला. प्रोटीज संघाविरुद्धच्या सामन्यापूर्वी पत्रकार परिषदेत बटलरने कर्णधारपद सोडण्याचा निर्णय जाहीर केला.
BREAKING: Jos Buttler has resigned as England white-ball captain after their group-stage exit in the ICC Champions Trophy 🚨 pic.twitter.com/Ka4lUDQlAR
— Sky Sports (@SkySports) February 28, 2025
बटलरच्या नेतृत्वाखाली इंग्लंडची एकदिवसीय क्रिकेटमध्ये स्थिती दयनीय होती. २०२३ मध्ये झालेल्या एकदिवसीय विश्वचषक स्पर्धेतही संघाला मोठा पराभव पत्करावा लागला. आता, सलग दुसऱ्या आयसीसी स्पर्धेत, बटलरच्या नेतृत्वाखालील इंग्लंडचा संघ गट टप्प्यातच बाद झाला. बटलरने एकूण ४३ एकदिवसीय सामन्यांमध्ये इंग्लंडचे नेतृत्व केले, त्यापैकी संघाने फक्त १८ जिंकले आणि २५ मध्ये पराभव पत्करला. एकदिवसीय विश्वचषक आणि चॅम्पियन्स ट्रॉफीमध्ये बटलरची फलंदाजीची कामगिरीही अत्यंत निराशाजनक होती. ११ डावांमध्ये, बटलरला १८ च्या सरासरीने फक्त १९९ धावा करता आल्या.
टी-२० स्वरूपात, जोस बटलरच्या नेतृत्वाखाली, इंग्लंडने २०२२ मध्ये खेळल्या गेलेल्या टी-२० विश्वचषकाचे विजेतेपद जिंकले. २०२४ मध्ये वेस्ट इंडिजच्या भूमीवर खेळल्या गेलेल्या टी-२० विश्वचषकात इंग्लंडनेही उपांत्य फेरी गाठली होती. तथापि, उपांत्य फेरीत इंग्लंड संघाला भारताकडून पराभव स्वीकारावा लागला.