राष्ट्रवादी काँग्रेसचे आमदार आणि महाराष्ट्र सरकारमधील माजी मंत्री जितेंद्र आव्हाड यांच्यासह 100 कार्यकर्त्यांवर ठाणे पोलिसांनी गुन्हा दाखल केला होता. जितेंद्र आव्हाड हे त्यांच्या कार्यकर्त्यांसह ठाण्यातील विवियाना मॉलमधील चित्रपटगृहात घुसल्याने त्यांच्यावर हा गुन्हा दाखल करण्यात आला आहे. आव्हाडांनी तिथे उपस्थित प्रेक्षकांना ‘हर हर महादेव’ चित्रपट बघू दिला नाही आणि प्रेक्षकांना मारहाणही केल्याला आरोप होता आता. आता जितेंद्र आव्हाड यांना या प्रकरणात Jitendra Avhad Detained अटक करण्यात आली आहे.
अटक झाल्यानंतर त्यांनी एक पोस्ट शेअर केली आहे. त्यास लिहीलंय की “आज दुपारी साधारण 1 वाजता मला वर्तकनगर पोलीस स्टेशनचे वरिष्ठ पोलीस निरीक्षक श्री. निकम यांचा फोन आला आणि नोटीस घेण्यासाठी मी माणूस पाठवतो नाहीतर तुम्ही पोलीस स्टेशनला या असे ते म्हणाले. मी मुंबईला जायला निघालो होतो. परंतु मी चांगुलपणाने म्हटलं कि, मी पोलीस स्टेशनला येतो आणि नंतर मी मुंबईला जातो. मी पोलीस स्टेशनला गेलो असताना त्यांनी मला गप्पांमध्ये गुंतवून ठेवलं. त्यानंतर डीसीपी राठोड हे पोलीस स्टेशनला आले. त्यांच्या डोळ्यांत आणि चेह-यावरती अस्वस्थपणा दिसत होता. हतबलता दिसत होती. ते आदराने म्हणाले कि, मी काही करु शकत नाही. वरुन आदेश आले आहेत. तुम्हांला अटक करावी लागेल. हा पोलीसी बळाचा गैरवापर आहे. आता मी लढायला तयार आहे. फाशी दिली तरी चालेल. पण, मी जे केलेलं नाही तो मी गुन्हा कबूल करणार नाही.”