सांगली – सांगली Sangli जिल्ह्यातील शिगाव वाळवा तालुक्यामधील शिंगावच्या सुपुत्राला दहशतवाद्यांशी लढताना वीरमरण आले आहे. 23 वर्षीय रोमित तानाजी चव्हाण Romit Tanaji Chavhan जम्मू काश्मीर Jammu Kashmir मध्ये देशसेवा बजावत असताना शहीद झाले.जम्मू काश्मीर मधील शोपिया या भागामध्ये दहशतवादी लपल्याची माहिती मिळाली होती.
सर्च ऑपरेशन कारवाईच्या वेळी लपून बसलेल्या दहशतवाद्यांनी अचानक गोळीबार केला. त्या गोळीबारात सांगलीतील शिंगाव सुपुत्र, 1 राष्ट्रीय रायफलचे जवान रोमित तानाजी चव्हाण हे दहशतवाद्यांशी लढत असताना शहीद झाले.
शहीद रोमित चव्हाण यांचे पार्थिव काल रात्री पुण्यातून इस्लामपूरला आणण्यात आले. त्यानंतर आज सकाळी 6 वाजता त्यांच्या मूळगावी शिगावमध्ये राहत्या घरी त्याचं पार्थिव अंत्यदर्शनासाठी ठेवण्यात आले होतं. सकाळी स्मशानभूमीत त्यांच्या पार्थिवावर शासकीय इतमामात अंत्यसंस्कार करण्यात आले आहेत.