सततचा ताण, जीवनशैलीतील बदल आणि वाढता कामाचा ताण यामुळे आधुनिक माणसाचे आरोग्य धोक्यात आले आहे. विशेषतः हृदयविकाराचे प्रमाण वाढताना दिसत आहे. मात्र, अनेकांना माहित नसेल की नियमित लैंगिक संबंध न ठेवणं देखील हृदयासाठी हानिकारक ठरू शकतं. वैज्ञानिक संशोधनातून या बाबत काही महत्त्वपूर्ण बाबी समोर आल्या आहेत.
लैंगिक आरोग्य आणि हृदयाचा संबंध
संभोग हा केवळ शारीरिक सुख मिळवण्याचं माध्यम नसून, तो मानसिक आणि शारीरिक आरोग्यासाठी देखील फायदेशीर असतो. संशोधनानुसार, नियमित लैंगिक संबंधामुळे शरीरातील ऑक्सिटॉसिन आणि एंडॉर्फिन्स हे आनंददायक हार्मोन्स स्रवतात, जे मानसिक तणाव कमी करण्यास मदत करतात. तणाव हे हृदयविकारासाठी एक मोठं कारण असल्यामुळे, सेक्समुळे मिळणारा तणावमुक्त अनुभव हृदयासाठी फायदेशीर ठरतो.
संशोधन काय सांगतं?
ब्रिटनमध्ये झालेल्या एका अभ्यासात असं आढळून आलं की, जे पुरुष आठवड्यातून दोन किंवा त्याहून अधिक वेळा संभोग करतात, त्यांच्यात हृदयविकाराचा धोका 45% नी कमी होतो. याउलट, ज्यांचं लैंगिक आयुष्य निष्क्रिय असतं, त्यांना उच्च रक्तदाब, निद्रानाश, आणि नैराश्यासारख्या समस्या जास्त प्रमाणात होतात – या सगळ्या गोष्टी अप्रत्यक्षपणे हृदयाला धोका निर्माण करतात.
नियमित लैंगिक संबंधाचे फायदे
-
रक्ताभिसरण सुधारतो – सेक्स दरम्यान हृदयाची गती वाढते, जी कार्डिओ एक्सरसाइजसारखी काम करते.
-
हॉर्मोन्सचं संतुलन राखतं – तणाव कमी होतो, झोप सुधारते.
-
इम्युनिटी बूस्ट होते – नियमित सेक्समुळे रोगप्रतिकारक शक्ती वाढते, जी एकूण आरोग्यासाठी फायदेशीर ठरते.
-
मन प्रसन्न राहतं – मानसिक आरोग्य सुधारल्यामुळे अप्रत्यक्षपणे हृदयावर सकारात्मक परिणाम होतो.
संभोगाच्या बाबतीत संतुलन आवश्यक आहे. जसे अति प्रमाणात लैंगिक संबंध ठेवल्यास शरीर थकू शकतं, तसंच पूर्णतः टाळल्यास मानसिक आणि शारीरिक दोन्ही आरोग्यावर परिणाम होतो. त्यामुळे, निरोगी लैंगिक आयुष्य राखणं ही एक प्राकृतिक आणि आरोग्यदायी गरज आहे, हे लक्षात घेतलं पाहिजे.
टीप: वरील माहिती ही वैज्ञानिक अभ्यासांवर आधारित असून, एखादी वैयक्तिक आरोग्यसमस्या असल्यास डॉक्टरांचा सल्ला घ्यावा.