महाराष्ट्रातील अमरावती (Amravati) येथील केमिस्ट उमेश कोल्हे (Umesh Kolhe) यांच्या हत्येतील मास्टरमाइंडला पोलिसांनी नागपुरमधून अटक केली आहे. पोलिसांनी सांगितले की, अटक करण्यात आलेल्या आरोपीचे नाव इरफान खान असून तो नागपुरातील एका एनजीओचा मालक आहे. यासोबतच केमिस्ट खून प्रकरणाचा मुख्य सूत्रधार इरफानने हत्येचा संपूर्ण प्लान तयार केल्याचं पोलिसांकडून सांगण्यात आलं आहे. इतर आरोपींना खुनासाठी प्रवृत्त करण्याचे कामही इरफान खानने केले.
#WATCH Umesh Kolhe murder case | A total of six accused have been arrested so far from Amravati. During the investigation, we found that Umesh Kolhe had posted on social media in support of Nupur Sharma and this incident took place because of that post: Vikram Sali, DCP Amravati pic.twitter.com/0XRnfWjWXS
— ANI (@ANI) July 2, 2022
दरम्यान, 21 जून रोजी महाराष्ट्रातील अमरावती शहरामध्ये 54 वर्षीय केमिस्टची चाकूने भोसकून हत्या करण्यात आली होती. फेसबुकवर नुपूर शर्माच्या समर्थनार्थ पोस्ट लिहिल्यामुळ ही निर्घृण हत्या महाराष्ट्रात घडल्याचा पोलिसांना संशय आहे. तो अमरावती येथे अमित मेडिकल स्टोअर नावाने केमिस्टचे दुकान चालवत होता.