आयपीएलचे सामने हॉटस्टारवर दिसणार नाहीत, थेट सामने कुठे पाहू शकता? जाणून घ्या

इंडियन प्रीमियर लीग (IPL) च्या 16व्या आवृत्तीसाठी काहीच दिवस बाकी आहेत. IPL 2023 चा पहिला सामना हार्दिक पंड्याच्या नेतृत्वाखालील गतविजेत्या गुजरात टायटन्स आणि महेंद्रसिंग धोनीच्या नेतृत्वाखालील चेन्नई सुपर किंग्ज यांच्यात होणार आहे. या बहुप्रतिक्षित T20 लीगसाठी स्टेज तयार झाला आहे. युवा खेळाडूंपासून ते अनुभवी खेळाडू धडाक्यात तयार आहेत. पण यावेळी या स्पर्धेच्या सामन्यांचे लाईव्ह स्ट्रीमिंग डिस्ने हॉटस्टारवर होणार नाही. अशा परिस्थितीत, जर तुम्हाला आयपीएल सामन्यांचा आनंद घ्यायचा असेल, तर तुम्हाला वेगळ्या अॅपवर जावे लागेल.

आयपीएलच्या आगामी आवृत्तीत एकूण 70 सामने खेळवले जाणार आहेत. 52 दिवस चालणाऱ्या या स्पर्धेचे सामने 12 ठिकाणी खेळवले जातील. दरवेळेप्रमाणे या वेळीही सर्व १० संघ घरच्या मैदानावर ७ सामने आणि घराबाहेर ७ सामने खेळतील. यादरम्यान 18 डबल हेडर सामने खेळवले जातील.

IPL 2023 कधी सुरू होईल?
आयपीएल 2023 31 मार्चपासून सुरू होणार आहे

पहिला सामना कोणत्या दोन संघांमध्ये होणार आहे?
आयपीएलच्या 16व्या आवृत्तीचा पहिला सामना गुजरात टायटन्स आणि चेन्नई सुपर किंग्ज यांच्यात होणार आहे.

IPL 2023 चा पहिला सामना कुठे खेळला जाईल?
चेन्नई सुपर किंग्ज आणि गुजरात टायटन्स यांच्यात आयपीएलचा पहिला सामना अहमदाबादच्या नरेंद्र मोदी स्टेडियमवर खेळवला जाणार आहे.

पहिला सामना किती वाजता खेळवला जाईल?
चेन्नई सुपर किंग्ज आणि गुजरात टायटन्स यांच्यात आयपीएलचा पहिला सामना संध्याकाळी 7.30 पासून खेळवला जाईल. नाणेफेक संध्याकाळी 7 वाजता होईल.

कोणत्या टीव्ही चॅनेलवर IPL 2023 च्या सामन्यांचे थेट प्रक्षेपण होईल?
IPL 2023 च्या सामन्यांचे थेट प्रक्षेपण स्टार स्पोर्ट्स नेटवर्क चॅनेलवर केले जाईल.

आयपीएल 2023 चे सामने मोबाईलवर ऑनलाइन स्ट्रीमिंग कुठे पाहायचे?
तुम्ही Viacom 18 च्या Voot अॅपवर मोबाइलवर आयपीएल सामन्यांचे ऑनलाइन स्ट्रीमिंग पाहू शकता.