IPL 2024: चेन्नई सुपर किंग्जची विजयी सुरुवात, रॉयल चॅलेंजर्स बंगळुरूचा 6 गडी राखून केला पराभव

खेळविश्व
By Team Inside Marathi
CSK Vs RCB
WhatsApp Group

IPL 2024, CSK vs RCB: इंडियन प्रीमियर 2024 च्या पहिल्या सामन्यात रॉयल चॅलेंजर्स बंगळुरू(RCB)आणि चेन्नई सुपर किंग्ज (CSK) आमने- सामने होते. चेन्नईच्या एमए चिदंबरम स्टेडियमवर खेळल्या गेलेल्या या सामन्यात आरसीबीचा कर्णधार फाफ डू प्लेसिसने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना आरसीबीने 20 षटकांत 6 गडी गमावून 173 धावा केल्या. अनुज रावतने सर्वाधिक 48 धावांची खेळी खेळली. सीएसकेला विजयासाठी 174 धावांचे लक्ष्य दिले होते. चेन्नई संघाने हे लक्ष्य 4 गडी गमावून 18.4 षटकात पूर्ण केले.

आरसीबीची झंझावाती सुरुवात: नाणेफेक जिंकून प्रथम फलंदाजीला आल्यावर बंगळुरूची सुरुवात चांगली झाली. सलामीवीर विराट कोहली आणि कर्णधार फॅफ यांनी पहिल्या विकेटसाठी 41 धावांची भागीदारी केली. फॅफने येताच चौकारांचा पाऊस पाडला. आरसीबीला पहिला धक्का 5व्या षटकात बसला. फॅफने 23 चेंडूत 35 धावा केल्या. मुस्तफिजुर रहमानने ही भागीदारी तोडली. ओव्हरच्या शेवटच्या चेंडूवर मुस्तफिजुर रहमानने रजत पाटीदारला पॅव्हेलियनचा रस्ता दाखवला. पाटीदारला खातेही उघडता आले नाही. पॉवरप्लेच्या शेवटच्या षटकात दीपक चहरने आरसीबीला तिसरा धक्का दिला. त्याने अष्टपैलू ग्लेन मॅक्सवेलला झेलबाद केले. मॅक्सवेल गोल्डन डकचा बळी ठरला. रहमानने 12व्या षटकात संघाला आणखी 2 यश मिळवून दिले. त्याने दुसऱ्या चेंडूवर विराट कोहलीला आणि चौथ्या चेंडूवर कॅमेरून ग्रीनला बाद केले. विराटने 20 चेंडूत 21 तर ग्रीनने 22 चेंडूत 18 धावा केल्या.

रहमानने 4 बळी घेतले: 20व्या षटकाच्या शेवटच्या चेंडूवर अनुज रावत धावबाद झाला. त्याने 25 चेंडूत 48 धावांची शानदार खेळी केली. या खेळीत त्याने 4 चौकार आणि 3 षटकार मारले. दिनेश कार्तिकने 26 चेंडूत 38 धावा केल्यानंतर नाबाद राहिला. चेन्नईसाठी रहमानने 4 षटकात 29 धावा देऊन 4 यश मिळवले. त्याच्याशिवाय दीपक चहरला 1 बळी मिळाला. तुषार देशपांडे, महेश तिक्षाना आणि रवींद्र जडेजा यांना एकही बळी घेता आला नाही.

हेही वाचा – टी-20 क्रिकेटमध्ये विराटच्या नावावर ऐतिहासिक विक्रम, अशी कामगिरी करणारा पहिला भारतीय फलंदाज!

चेन्नई विरुद्ध 1000 धावा पूर्ण करणारा कोहली दुसरा खेळाडू: आयपीएलमध्ये सीएसकेविरुद्ध 1000 धावा पूर्ण करणारा कोहली हा दुसरा खेळाडू ठरला आहे. या बाबतीत पंजाब किंग्जचा (पीबीकेएस) कर्णधार शिखर धवन पहिल्या स्थानावर आहे. त्याने चेन्नईविरुद्धच्या 29 सामन्यांमध्ये 44 पेक्षा जास्त सरासरीने 1,057 धावा केल्या आहेत. कोहलीने सीएसकेविरुद्ध 32 सामन्यांच्या 31 डावांमध्ये ही कामगिरी केली आहे. त्याने आता या संघाविरुद्ध 38 च्या सरासरीने 1,006 धावा केल्या आहेत.

टी-20 क्रिकेटमध्ये 12,000 धावा पूर्ण करणारा विराट पहिला भारतीय: कोहली आता टी-20 फॉरमॅटमध्ये 12,000 धावांचा टप्पा गाठणारा भारताचा पहिला फलंदाज ठरला आहे. त्याने आता या फॉरमॅटमध्ये 377 सामन्यांच्या 360 डावांमध्ये 12,015 धावा केल्या आहेत. या फॉरमॅटमध्ये त्याने 8 शतके झळकावली आहेत.

कोहली आयपीएलमध्ये सर्वाधिक धावा करणारा फलंदाज: कोहली आयपीएलमध्ये सर्वाधिक धावा करणारा खेळाडू आहे. त्याने आयपीएलमध्ये आतापर्यंत 238 सामन्यांमध्ये 7,284 हून अधिक धावा केल्या आहेत. त्याच्याशिवाय इतर कोणत्याही फलंदाजाने लीगमध्ये आतापर्यंत 7,000 धावा केल्या नाहीत. त्याच्यानंतर धवनने (6,617) सर्वाधिक धावा केल्या आहेत. त्याने आयपीएलमध्ये सर्वाधिक 7 शतके आणि 50 अर्धशतके केली आहेत.

हेही वाचा – Chanakya Niti: समाजात मान-सन्मान मिळवायचा असेल तर आजपासूनच ‘या’ 5 सवयी सोडा