आयपीएल 2024 मध्ये मुंबई इंडियन्स संघाने खराब सुरुवात केली. यावेळी मुंबई इंडियन्सने संघाचे कर्णधारपद हार्दिक पांड्याकडे सोपवले आहे, मात्र त्याच्या नेतृत्वाखाली गुजरात संघाने गेल्या दोन मोसमात जी कामगिरी केली होती, तशी कामगिरी मुंबई संघाला करता आलेली नाही. त्याचबरोबर या मोसमात आतापर्यंत एका स्टार खेळाडूची कमतरताही संघाला जाणवत आहे. हा खेळाडू दुसरा कोणी नसून सूर्यकुमार यादव आहे. सूर्याला या मोसमात दुखापतीमुळे एकही सामना खेळता आलेला नाही, पण आता त्याच्या फिटनेसबाबत एक मोठे अपडेट समोर आले आहे, जे ऐकून मुंबईचे चाहते खूप खूश होतील.
सूर्यकुमार यादवला तंदुरुस्त घोषित करण्यात आले असून रविवारी वानखेडे स्टेडियमवर दिल्ली कॅपिटल्सविरुद्ध मुंबई इंडियन्सच्या पुढील आयपीएल सामन्यात तो खेळण्याची शक्यता आहे. बंगळुरू येथील राष्ट्रीय क्रिकेट अकादमीने (NCA) बुधवारी सूर्यकुमार यादवला मंजुरी दिली आहे.
SURYAKUMAR YADAV DECLARED FIT…!!!
– He’s likely to play against Delhi Capitals on Sunday. (Express Sports). pic.twitter.com/0OuQWhWyLM
— Mufaddal Vohra (@mufaddal_vohra) April 3, 2024