मुंबई – सर्वच गोष्टी महाग होत असताना आता या महागाईच्या शर्यतीमध्ये मुंबईचा प्रसिद्ध वडापाव (Vadapav Price Hike) देखील मागे राहिलेला नाही. या महागाईचा परिणाम आता मुंबईतील प्रसिद्ध वडापाववरही (Mumbai Vadapav Price Hike) झाला आहे. म्हणजेच आता त्याची चव थोडी महाग होईल.
रशिया आणि युक्रेनमधील युद्धामुळे (Russia-Ukraine War) जगातील सर्व देशांच्या आर्थिक स्थितीवर परिणाम होताना दिसत आहे. युक्रेन आणि रशियासह श्रीलंका, पाकिस्तान, पाश्चात्य देशांसह भारतामध्येही महागाई वाढली आहे.
पेट्रोल आणि डिझेलचे दर वाढल्यावर त्याचा परिणाम इतर गोष्टींवरही होणे साहजिक आहे. मुंबईतल्या सर्वसामान्यांचे जगणे असलेला वडापावदेखील आता महाग झाला आहे.