India vs England: कसोटी सामन्यात भारताचा ऐतिहासिक विजय, इंग्लंडचा 347 धावांनी पराभव
India vs England: भारत विरुद्ध इंग्लंड महिला क्रिकेट संघ यांच्यातील एकमेव कसोटी सामन्यात भारताने इंग्लंडचा पराभव केला आहे. भारताने इंग्लंडचा 347 धावांच्या मोठ्या फरकाने पराभव केला आहे. भारतीय महिला क्रिकेट संघासमोर इंग्लंडचे फलंदाज पूर्णपणे कोलमडले. दीप्ती शर्माने दुसऱ्या डावात सर्वाधिक 4 विकेट घेतल्या आहेत. याशिवाय पूजा वस्त्राकरनेही 3 बळी घेतले आणि इंग्लंडला कधीही सावरू दिले नाही. भारताने दुसऱ्या डावात इंग्लंडला केवळ 131 धावांत गुंडाळले. टीम इंडियात मोठा बदल! द्रविड, लक्ष्मण नाही तर ‘हा’ असेल टीम इंडियाचा कोच!
भारताने नाणेफेक जिंकून प्रथम फलंदाजी करण्याचा निर्णय घेतला. भारतीय संघाने पहिल्या डावात इंग्लंडचा इतका पराभव केला की 10 विकेट गमावून 428 धावा केल्या. भारताकडून चार फलंदाजांनी अर्धशतकी खेळी खेळली होती. त्याच वेळी, एकूण 6 फलंदाजांनी 30 पेक्षा जास्त धावा केल्या होत्या. भारतीय संघाच्या एकाही खेळाडूने शतक झळकावले नाही, तरीही भारताने 428 धावा केल्या होत्या. प्रत्युत्तरात इंग्लंडचा संघ अवघ्या 136 धावांत ऑलआऊट झाला. भारताकडून दीप्ती शर्माने पहिल्या डावात 5 बळी घेतले. यानंतर दुसऱ्या डावात फलंदाजीसाठी उतरलेल्या भारतीय संघाने 6 विकेट गमावून 186 धावा केल्या आणि डाव घोषित केला. हार्दिक पंड्याला कर्णधार करताच अनफॉलो मुंबई इंडियन्स
View this post on Instagram
दुसऱ्या डावात इंग्लंडला विजयासाठी 479 धावांची गरज होती, पण इंग्लंडचा संघ 200 धावांचा टप्पाही पार करू शकला नाही आणि केवळ 131 धावांवर कोसळला. हा सामना जिंकून भारताने इतिहास रचला आहे. भारताच्या महिला क्रिकेट संघाने आतापर्यंत एकूण 39 कसोटी सामने खेळले आहेत, त्यापैकी 6 सामने जिंकले आहेत. आज भारताचा इंग्लंडविरुद्ध सहावा विजय होता. त्याचबरोबर भारताने 6 सामने गमावले असून 27 सामने अनिर्णित राहिले आहेत. ”ज्याने शिकवलं त्याच्याच पाठीत वार केलास”, रोहित शर्माला कर्णधारपदावरून हटवल्यानंतर चाहते संतापले