IND Vs IRE : आयर्लंडविरुद्ध आज पहिला टी-20 सामना, ऋतुराज, सॅमसनच्या कामगिरीकडे असेल सर्वांचे लक्ष

IND Vs IRE : हार्दिक पांड्याला आयर्लंड दौऱ्यावर पहिल्यांदाच भारतीय संघाचा कर्णधार बनवण्यात आले आहे. या दौऱ्यात टीम इंडियाला आयर्लंडविरुद्ध 2 सामन्यांची टी-20 मालिका खेळायची आहे. पहिला सामना आज (26 जून)ला तर दुसरा सामना 28 जूनला होणार आहे. या दौऱ्यावर भारतीय निवड समितीने अनेक नवीन खेळाडूंना संधी दिली आहे. ज्यामध्ये उमरान मलिक, अर्शदीप सिंग आणि राहुल त्रिपाठी यांचा समावेश आहे. तसेच वरिष्ठ क्रिकेटपटूंच्या अनुपस्थितीत झगडणाऱ्या ऋतुराज गायकवाड आणि संजू सॅमसनच्या कामगिरीकडे निवड समितीचे लक्ष असेल.

मुख्य प्रशिक्षक राहुल द्रविड इंग्लंडमधील कसोटी संघासमवेत असल्यामुळे राष्ट्रीय क्रिकेट अकादमीचे प्रमुख व्हीव्हीएस लक्ष्मण यांच्या मार्गदर्शनाखाली भारतीय संघ आयर्लंडविरुद्ध खेळणार आहे. त्यामुळे नव्या खेळाडूंकडून अपेक्षा उंचावल्या आहेत.

आयपीएलमध्ये हैदराबाद संघाकडून उमरान मलिक आणि पंजाब किंग्जकडून अर्शदीप सिंग यांनी आयपीएल 2022 मध्ये चांगली कामगिरी केली होती. डेथ ओव्हर्समध्ये जसप्रीत बुमराहनंतर अर्शदीप हा दुसरा सर्वोत्तम गोलंदाज ठरला, तर उमराननेही आपल्या वेगवान गोलंदाजीने विरोधी संघाच्या फलंदाजांची सलामी दिली. मात्र, उत्कृष्ट कामगिरी करूनही दक्षिण आफ्रिकेविरुद्धच्या पाचही सामन्यांमध्ये दोन्ही गोलंदाजांना पदार्पणाची प्रतीक्षा करावी लागली.

भारताविरुद्धच्या तिन्ही सामन्यांत आयर्लंडचा पराभव 

2009 ते 2018 दरम्यान टीम इंडिया आणि आयर्लंड यांच्यात फक्त तीन टी-20 सामने खेळले गेले आहेत आणि यादरम्यान भारताने तिन्ही सामने जिंकले आहेत. पहिला सामना 2009 मध्ये झाला होता, जो भारताने 8 विकेट्सने जिंकला होता. त्याचवेळी 2018 मध्ये खेळल्या गेलेल्या पुढील दोन सामन्यांमध्येही आयर्लंडचा भारताने पराभव केला होता.

भारताचा संघ – हार्दिक पंड्या (कर्णधार), भुवनेश्वर कुमार, ऋतुराज गायकवाड, इशान किशन, सूर्यकुमार यादव, संजू सॅमसन, राहुल त्रिपाठी, दीपक हुडा, व्यंकटेश अय्यर, अक्षर पटेल, दिनेश कार्तिक, आवेश खान, हर्षल पटेल, उमरान मलिक, अर्शदीप सिंग, युझवेंद्र चहल, रवी बिश्नोई.

आयर्लंडचा संघ – एंड्रयू बालबर्नी (कर्णधार), मार्क अडायर, कर्टिस कैम्फर, गैरेथ डेलानी, जॉर्ज डॉकरेल, स्टीफन डोहेनी, जोश लिटिल, एंड्रयू मैकब्राइन, बैरी मैकार्थी, कॉनर ओल्फर्ट, पॉल स्टर्लिंग, हैरी टेक्टर, लोर्कन टकर और क्रेग यंग