ICC T20 विश्वचषक 2022 मध्ये, भारत हा एकमेव संघ आहे ज्याने 2 सामने खेळले आहेत आणि दोन्ही जिंकले आहेत. मात्र, असे असूनही, टीम इंडिया उपांत्य फेरीत बाहेर पडेल, असे पाकिस्तानचा माजी वेगवान गोलंदाज शोएब अख्तरला वाटत आहे. झिम्बाब्वेविरुद्ध पाकिस्तानच्या पराभवानंतर हैराण झालेल्या शोएब अख्तरने हे विधान केलं आहे. पाकिस्तानच्या पराभवाने तो खूप नाराज झाला आहे.
शोएब अख्तरने तर त्याच्या यूट्यूब चॅनलवर ‘ या पराभवामुळे कुठेतरी माझ्या तोंडून विपरीत शब्द बाहेर येऊ नये’, असेही म्हटले आहे. दुसरीकडे, पाकिस्तानचा माजी कर्णधार शाहिद आफ्रिदीने ट्विट करून झिम्बाब्वेचे कौतुक केले आहे. शोएब अख्तर व्यतिरिक्त पाकिस्तानचे माजी खेळाडू आकिब जावेद, मोईन खान, वकार युनूस आणि मिसबाह-उल-हक यांनीही बाबर आझम आणि पाकिस्तान संघावर टीका केली.
शोएब अख्तर म्हणाला, ‘मी वारंवार सांगतोय की हा सलामीवीर, मिडल ऑर्डर आम्हाला या पातळीवर यश मिळवण्यासाठी पुरेसा नाही. यावर मी काय बोलू? पाकिस्तानकडे वाईट कर्णधार आहे. असं तो म्हणाला. झिम्बाब्वेविरुद्ध पराभूत झाल्यानंतर दुसऱ्या सामन्यातच पाकिस्तान विश्वचषकातून बाहेर पडला.
आफ्रिदीने ट्विटमध्ये लिहिले की, ‘या निकालाला उलट म्हणता येणार नाही. जर तुम्ही सामना पाहिला असेल तर तुम्हाला कळेल की झिम्बाब्वेने पहिल्याच चेंडूपासून अव्वल दर्जाचे क्रिकेट सादर केले. फलंदाजीच्या खेळपट्टीवर छोट्या लक्ष्याचा बचाव कसा करायचा हेही त्या संघाने दाखवून दिले. झिम्बाब्वे क्रिकेट संघाचे विजयाबद्दल अभिनंदन असं तो म्हणाला.