NZ vs IND: टी-20 विश्वचषकानंतर टीम इंडिया न्यूझीलंड दौऱ्यावर, वन-डे आणि टी-20 मालिका खेळणार पाहा, संपूर्ण वेळापत्रक

खेळविश्व
By Team Inside Marathi
WhatsApp Group

NZ vs IND : भारतीय क्रिकेट संघाचं यावर्षीचं शेड्यूल खूप व्यस्त आहे. सध्या भारताचा कसोटी संघ इंग्लंड दौऱ्यावर आहे. तर, भारताचा टी-20 संघ आयर्लंड दौऱ्यावर आहे. येत्या ऑक्टोबर-नोव्हेंबरमध्ये ऑस्ट्रेलियामध्ये होणाऱ्या आगामी टी-20 विश्वचषकापूर्वी भारताला अनेक देशांचा दौरा करायचा आहे. एवढेच नव्हेतर, विश्वचषकानंतर भारत लगेच न्यूझीलंड दौरा (India Tour of New Zealand) करणार आहे. न्यूझीलंड क्रिकेट बोर्डाने त्यांचं वेळापत्रक जाहीर केलं आहे. ज्यात भारताविरुद्धच्या मर्यादित षटकांच्या मालिकेचाही समावेश आहे.

भारताच्या न्यूझीलंड दौऱ्याला 18 नोव्हेंबरपासून सुरुवात होणार आहे. या दौऱ्यामध्ये भारत आणि न्यूझीलंड यांच्यात तीन सामन्यांची टी-20 आणि तितक्याच सामन्यांची एकदिवसीय मालिका होणार आहे.

या मालिकेतले टी-20  सामने वेलिंग्टन, तौरंगा आणि नेपियर इथे खेळवण्यात येणार असून वन-डे सामन्यांची मालिका ऑकलंड, हॅमिल्टन आणि ख्राईस्टचर्च येथे खेळवण्यात येईल. नवीन वर्षात न्यूझीलंडचा संघ पाकिस्तान आणि भारत दौरा आटोपून पुन्हा एकदा घरच्या मैदानावर इंग्लंडविरुद्ध दोन कसोटी सामन्यांची मालिका खेळेल.

भारताच्या न्यूझीलंड दौऱ्याचे वेळापत्रक पुढीलप्रमाणे

पहिला टी-20 – 18 नोव्हेंबर,
दूसरा टी-20 – 20 नोव्हेंबर
तिसरा टी-20 – 22 नोव्हेंबर
पहिली वनडे – 25 नोव्हेंबर
दुसरी वनडे – 27 नोव्हेंबर
तिसरी वनडे – 30 नोव्हेंबर