आंतरराष्ट्रीय क्रिकेट परिषदेने ICC awards 2021 चे पुरस्कार जाहीर केले आहेत. यामध्ये भारताची महिला क्रिकेटपटू स्मृती मंधानाला (Smriti Mandhana) आयसीसी महिला क्रिकेटर ऑफ द ईयर 2021 (ICC Women’s Cricketer 2021) पुरस्कार जाहीर करण्यात आला आहे.
स्मृती मंधानासह इंग्लंडची टॅमी ब्युमॉंट, दक्षिण आफ्रिकेची लिझेल ली आणि आयर्लंडची गॅबी लुईस यांनाही ICC महिला क्रिकेटर ऑफ द इयर 2021 साठी नामांकन मिळाले आहे. या तिघांना मागे सारत स्मृतीने ‘महिला क्रिकेटर ऑफ द ईयर 2021’ पुरस्कारावर कब्जा केला आहे.
A year to remember ????
Smriti Mandhana’s quality at the top of the order was on full display in 2021 ????
More on her exploits ???? https://t.co/QI8Blxf0O5 pic.twitter.com/3jRjuzIxiT
— ICC (@ICC) January 24, 2022
मंधानाने गेल्या वर्षी तिन्ही फॉरमॅटमध्ये एकूण 22 आंतरराष्ट्रीय सामने खेळले आणि 38.86 च्या सरासरीने 855 धावा केल्या. यादरम्यान मंधानाने एक शतक आणि पाच अर्धशतकेही झळकावली आहेत. अलीकडेच, महिला भारतीय संघाने दक्षिण आफ्रिकेविरुद्ध दोन एकदिवसीय सामने जिंकले, या दोन्ही सामन्यांमध्ये स्मृतीने चमकदार कामगिरी केली होती.