शेफाली वर्माच्या नेतृत्वाखाली भारताच्या युवा महिला संघाने आता अंडर-19 T20 विश्वचषक स्पर्धेच्या अंतिम फेरीत प्रवेश केला आहे. भारतीय महिला अंडर-19 संघ आता वर्ल्ड चॅम्पियन होण्यापासून फक्त एक पाऊल दूर आहे. शुक्रवारी न्यूझीलंडविरुद्ध खेळल्या गेलेल्या उपांत्य फेरीच्या सामन्यात भारतीय संघाने सहज विजयाची नोंद करत अंतिम फेरीत धडक मारली आहे. उपांत्य फेरीच्या सामन्यात न्यूझीलंड संघाला भारताच्या भक्कम गोलंदाजीसमोर प्रथम खेळताना 20 षटकांत केवळ 107 धावाच करता आल्या. प्रत्युत्तरात टीम इंडियाने अवघ्या 14.2 षटकांत 2 गडी गमावून लक्ष्य गाठले आणि सामना 8 विकेटने जिंकला.