IND vs AFG : UAE मध्ये सुरु असलेल्या आशिया कप 2022 मध्ये गुरुवारी भारत आणि अफगाणिस्तान (IND vs AFG) आमनेसामने आले. हा सामना दुबई आंतरराष्ट्रीय क्रिकेट स्टेडियमवर खेळला गेला, या सामन्यात भारताने फलंदाजी आणि गोलंदाजी दोन्हीमध्ये अप्रतिम कामगिरी केली आणि अफगाणिस्तानचा 101 धावांच्या मोठ्या फरकाने पराभव केला. या सामन्यात प्रथम फलंदाजी करण्यासाठी आलेल्या भारतीय संघाने अफगाणिस्तानला 213 धावांचे लक्ष्य दिले होते, ज्याच्या प्रत्युत्तरात अफगाणिस्तान संघ केवळ 111 धावाच करू शकला आणि भारताने हा सामना जिंकला.
अफगाणिस्तानचे फलंदाज ठरले अपयशी
213 धावांच्या लक्ष्याचा पाठलाग करताना अफगाणिस्तान संघाची सुरुवात अत्यंत खराब झाली आणि पहिल्याच षटकात हजरतुल्ला झाझाई आणि रहमानउल्ला गुरबाज यांच्या रूपाने संघाने 1 धावात 2 विकेट गमावल्या. भारताचा वेगवान गोलंदाज भुवनेश्वर कुमारने दोन्ही फलंदाजांना पॅव्हेलियनमध्ये पाठवले. यानंतरही अफगाणिस्तानचा डाव टिकू शकला नाही आणि अवघ्या 20 धावांवर त्यांचा निम्मा संघ पॅव्हेलियनमध्ये परतला. अफगाणिस्तानसाठी इब्राहिम झद्रानने चांगली फलंदाजी करत संघाचे एक टोक राखले असले तरी त्याच्याशिवाय एकही फलंदाज क्रीझवर टिकू शकला नाही आणि यामुळे अफगाणिस्तानचा संघ 101 धावांनी सामना गमावला. दुसरीकडे, भुवनेश्वर कुमारने भारतीय संघासाठी शानदार गोलंदाजी करत चार षटकांच्या स्पेलमध्ये केवळ 4 धावा देत 5 विकेट्स आपल्या नावावर केल्या.
A massive win for India in Dubai 👏🏻#AsiaCup2022 | #INDvAFG | Scorecard: https://t.co/z8iw8dn85Q pic.twitter.com/rdigrI6H5V
— ICC (@ICC) September 8, 2022
नाणेफेक गमावल्यानंतर प्रथम फलंदाजी करणाऱ्या भारतीय संघाने आज चांगली सुरुवात केली. भारतीय संघाकडून सलामीला आलेला कर्णधार केएल राहुल आणि विराट कोहली यांनी पहिल्या विकेटसाठी 119 धावांची शतकी भागीदारी केली. कर्णधार राहुलच्या 62 धावांच्या रूपाने भारताने 119 धावांवर पहिली विकेट गमावली. राहुलला फरीद अहमदने बाद केले. त्याचवेळी यानंतर फलंदाजीला आलेल्या सूर्यकुमार यादवलाही विशेष काही करता आले नाही आणि तो फरीदचा दुसरा बळी ठरला. सूर्यकुमार यादव 6 धावा करून बाद झाला. भारताकडून अनुभवी फलंदाज विराट कोहलीने 122 धावांचे धडाकेबाज शतक झळकावले. ऋषभ पंत 22 धावांवर नाबाद राहिला. विराट आणि राहुलच्या खेळीमुळे भारताने अफगाणिस्तानला 213 धावांचे लक्ष्य दिले होते.