IND vs SA: शुभमनच्या जागी कोण? रोहित शर्मासोबत सलामीसाठी ऋतुराज गायकवाड आणि यशस्वी जैस्वाल यांच्यात ‘कांटे की टक्कर’

भारत आणि दक्षिण आफ्रिका यांच्यातील तीन सामन्यांच्या एकदिवसीय मालिकेतील पहिला सामना ३० नोव्हेंबर रोजी रांची येथे खेळला जाणार आहे. शुभमन गिलच्या अनुपस्थितीत केएल राहुल संघाचे नेतृत्व करेल. आता गिलच्या जागी रोहित शर्मासोबत कोण सलामीला येईल, हा एक मोठा प्रश्न आहे.

रोहित शर्मासोबत सलामीसाठी भारतीय संघात यशस्वी जयस्वाल आणि ऋतुराज गायकवाड हे दोन दावेदार आहेत. यशस्वी जयस्वालने फेब्रुवारी २०२५ मध्ये एकदिवसीय पदार्पण केले आणि आतापर्यंत फक्त एकच एकदिवसीय खेळला आहे. त्या एका एकदिवसीय सामन्यात जयस्वालने फक्त १५ धावा केल्या. गिल बऱ्याच काळापासून रोहित शर्मासोबत सलामीला येत आहे, ज्यामुळे जयस्वालला संधी मिळत नाहीत. आता गिल संघात नसल्याने, संधी मिळाल्यास जयस्वाल एकदिवसीय सामन्यांमध्ये चांगली कामगिरी करण्यास उत्सुक असेल.

ऋतुराज गायकवाड बऱ्याच काळानंतर एकदिवसीय संघात परतला आहे. तो शेवटचा २०२४ मध्ये खेळला होता. रुतुराज गायकवाडने आतापर्यंत भारतासाठी सहा एकदिवसीय सामन्यांमध्ये फक्त ११५ धावा केल्या आहेत, ज्यामध्ये फक्त एक अर्धशतक आहे. तथापि, गायकवाडने अलिकडेच देशांतर्गत क्रिकेटमध्ये असाधारण कामगिरी केली आहे. या मालिकेपूर्वी, भारत अ संघाने दक्षिण आफ्रिका अ संघाविरुद्ध एकदिवसीय मालिका खेळली, ज्यामध्ये गायकवाडने खूप धावा केल्या.

ऋतुराज गायकवाडला यशस्वी जयस्वालपेक्षा जास्त एकदिवसीय अनुभव आहे. त्यामुळे, संघ व्यवस्थापन गायकवाडवर विश्वास व्यक्त करू शकते आणि रोहित शर्मासोबत सलामीची संधी देऊ शकते. असे झाल्यास, यशस्वी जयस्वालला टीम इंडियाच्या प्लेइंग इलेव्हनमधून वगळले जाऊ शकते. तथापि, जर जयस्वाल सलामीला आला तर गायकवाडला प्लेइंग इलेव्हनमध्ये स्थान मिळणे कठीण होईल.