IND vs PAK LIVE Score, T20 World Cup 2022: T20 विश्वचषक 2022 मध्ये भारत आणि पाकिस्तान यांच्यातील सामना मेलबर्नमध्ये खेळला जात आहे. या सामन्यात भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. अशा परिस्थितीत पाकिस्तानचा संघ प्रथम फलंदाजी करण्यासाठी उतरला आणि 20 षटकांत 8 विकेट गमावून 159 धावा करू शकला. अशा प्रकारे भारतासमोर विजयासाठी 160 धावांचे लक्ष्य आहे.
रोहित शर्माने युझवेंद्र चहलच्या जागी अश्विनला खेळवण्याचा निर्णय घेतला आहे, तर हर्षल पटेलला वेगवान गोलंदाजांमध्ये स्थान मिळालेले नाही. भारताच्या प्लेइंग इलेव्हनमधील तीन वेगवान गोलंदाजांमध्ये मोहम्मद शमी, भुवनेश्वर कुमार आणि अर्शदीप सिंग यांचा समावेश आहे. त्याचवेळी फिरकी गोलंदाजीत अश्विनला अक्षर पटेलची साथ मिळेल.
Fifties by Masood, Iftikhar propel Pakistan to a competitive total of 159/8 at MCG#T20WorldCup #INDvPAK https://t.co/XUsNoTVx1M pic.twitter.com/DeqlcZGWUt
— Cricbuzz (@cricbuzz) October 23, 2022
भुवनेश्वर कुमार आणि अर्शदीप सिंग यांनी भारताला चांगली सुरुवात करून दिली आहे. दुसऱ्याच षटकात अर्शदीपने पाकिस्तानचा कर्णधार बाबर आझमला गोल्डन डकवर पॅव्हेलियनचा रस्ता दाखवला. त्याच्या दुसऱ्याच षटकात अर्शदीपने सलामीवीर मोहम्मद रिझवानला पायचीत केले. शमीने इफ्तिखारच्या रूपाने भारताला तिसरे यश मिळवून दिले. शादाब खानला बाद करणाऱ्या हार्दिक पांड्याने भारताला चौथे यश मिळवून दिले. पांड्याने हैदर अलीलाही पॅव्हेलियनमध्ये पाठवले. पंड्याला नवाजच्या रूपाने तिसरी विकेट मिळाली. अर्शदीपने आसिफला बाद केले.