Women Asia Cup 2022: दुसऱ्या सामन्यात भारत भिडणार मलेशियाशी, जाणून घ्या कधी, कुठे आणि कसा बघता येईल थेट सामना

Women Asia Cup 2022: सध्या महिला आशिया कप 2022 खेळला जात आहे. यावेळी हा महिला आशिया चषक बांगलादेशमध्ये खेळवला जात आहे. ही स्पर्धा 1 ऑक्टोबर 2022 पासून सुरू झाली. या मालिकेतील पहिला सामना थायलंड महिला आणि बांगलादेश महिला यांच्यात झाला. बांगलादेशने हा सामना 9 गडी राखून जिंकला.

या स्पर्धेत महिला टीम इंडियाने 1 ऑक्टोबरला पहिला सामनाही खेळला. श्रीलंका महिलांविरुद्धच्या या सामन्यात टीम इंडियाने 41 धावांनी दणदणीत विजय मिळवला. भारतीय महिला संघ सोमवार, आज (3 ऑक्टोबर) रोजी मलेशियाविरुद्ध दुसरा सामना खेळणार आहे. हा सामना कधी, कुठे आणि कसा बघता येईल हे आम्ही तुम्हाला सांगणार आहोत.

आतापर्यंत टीम इंडियाने महिला आशिया कपमध्ये एकूण 6 वेळा जेतेपद पटकावले आहे. आता महिला भारतीय संघ पुन्हा एकदा स्पर्धा जिंकण्याचा प्रबळ दावेदार मानला जात आहे. 2004 पासून सुरू झालेल्या या स्पर्धेत बांगलादेशने फक्त एकदाच विजय मिळवला आहे.

सामना कधी आणि कुठे होणार?

भारत महिला आणि श्रीलंका महिला यांच्यात होणारा हा सामना बांगलादेशातील सिल्हेत येथे खेळवला जाणार आहे. हा सामना सोमवार, 3 ऑक्टोबर रोजी होणार आहे.

किती वाजता सुरू होईल?

या सामन्याची सुरुवात भारतीय वेळेनुसार दुपारी एक वाजता होईल. सामना सुरू होण्याच्या अर्धा तास आधी म्हणजे 12:30 वाजता नाणेफेक होईल.

तुम्ही थेट कुठे पाहू शकता?

या सामन्याचे स्टार स्पोर्ट्स नेटवर्कवर थेट प्रक्षेपण केले जाईल. त्याच वेळी, सामना डिस्ने प्लस हॉटस्टारवर थेट प्रसारित केला जाईल.

आशिया चषक स्पर्धेत भारतीय संघ

हरमनप्रीत कौर (कर्णधार), स्मृती मानधना, दीप्ती शर्मा, शेफाली वर्मा, जेमिमा रॉड्रिग्स, सबिनेनी मेघना, रिचा घोष, स्नेह राणा, दयालन हेमलता, मेघना सिंग, रेणुका ठाकूर, पूजा वस्त्राकर, राजेश्वरी गायकवाड, राधा यादव, के.पी. नवगीर राखीव खेळाडू: तानिया सपना भाटिया, सिमरन दिल बहादूर.