IND vs AUS: हिटमॅन रोहित शर्माची कमाल, शतक ठोकत रचला इतिहास

खेळविश्व
By Team Inside Marathi
WhatsApp Group

IND vs AUS 1st Test: भारतीय कर्णधार रोहित शर्माने ऑस्ट्रेलियाविरुद्धच्या बॉर्डर गावस्कर ट्रॉफी 2023 च्या पहिल्या कसोटीत शानदार शतकासह सुरुवात केली आहे. नागपूर कसोटीत कांगारू संघ अवघ्या 177 धावांत गारद झाला. प्रत्युत्तरात टीम इंडियाने रोहितच्या शतकाच्या जोरावर सामन्यावर आपली पकड मजबूत केली आहे. रोहित शर्माने 171 चेंडूत 14 चौकार आणि 2 षटकारांसह आपले शतक पूर्ण केले. या शतकासह हिटमॅनने ऑस्ट्रेलियाचा स्टार खेळाडू स्टीव्ह स्मिथलाही मागे टाकले. इतकेच नाही तर भारतीय कर्णधाराने ते केले जे याआधी भारतासाठी कोणताही कर्णधार करू शकला नाही.

खरे तर, रोहित शर्माचे कसोटी क्रिकेटमधील हे 9 वे शतक आहे, परंतु आंतरराष्ट्रीय क्रिकेटमधील हे त्याच्या कारकिर्दीतील 43 वे शतक ठरले आहे. या प्रकरणात रोहितने आता 42 आंतरराष्ट्रीय शतके झळकावणाऱ्या स्टीव्ह स्मिथसह ख्रिस गेल आणि सनथ जयसूर्यासारख्या दिग्गजांना मागे टाकले आहे. भारतीय कर्णधाराकडे एकदिवसीय सामन्यांमध्ये 30 शतके आहेत आणि सचिन तेंडुलकर आणि विराट कोहली नंतर सर्वाधिक एकदिवसीय शतके करणारा तो दुसरा भारतीय फलंदाज आहे. त्याचबरोबर बॉर्डर गावस्कर ट्रॉफीच्या इतिहासातील रोहित शर्माचे हे पहिले शतक आहे. त्याचबरोबर कर्णधार म्हणून तिन्ही फॉरमॅटमध्ये शतक झळकावणारा तो पहिला भारतीय कर्णधारही ठरला. त्याच्या आधी विराट कोहलीपासून एमएस धोनीपर्यंत कोणीही हे करू शकले नाही.

रोहित शर्माने नुकतेच न्यूझीलंडविरुद्धच्या वनडे मालिकेत शतक झळकावून आपल्या जुन्या अवतारात परतण्याची चिन्हे दाखवली. आता कसोटी क्रिकेटमध्येही हिटमॅनने जगाला इशारा दिला आहे. रोहित शर्मा पहिल्यांदाच बॉर्डर गावस्कर ट्रॉफीमध्ये कर्णधार आहे आणि कर्णधार म्हणून पहिल्याच सामन्यात त्याने शतक ठोकले आहे.