World Cup 2023: रोहित शर्माची गणना जगातील सर्वोत्तम खेळाडूंमध्ये केली जाते. त्याने भारतीय संघासाठी अनेक सामने स्वबळावर जिंकले आहेत. एकदिवसीय विश्वचषक 2023 मध्ये त्याने अफगाणिस्तानविरुद्ध शानदार फलंदाजी केली आणि एकदिवसीय विश्वचषकात भारतासाठी सर्वात जलद शतक झळकावले. अफगाणिस्तानने भारताला विजयासाठी 273 धावांचे लक्ष्य दिले होते.
रोहित शर्माने अफगाणिस्तानविरुद्ध स्फोटक फलंदाजी केली. त्याने डावाच्या सुरुवातीला आक्रमक फलंदाजी केली. रोहितने अवघ्या 30 चेंडूत अर्धशतक झळकावले. तो इथेच थांबला नाही, त्यानंतर त्याने अवघ्या 63 चेंडूत शतक झळकावले. विश्वचषकाच्या इतिहासात भारतासाठी सर्वात जलद शतक झळकावणारा तो खेळाडू ठरला आहे. त्याने कपिल देव यांचा विक्रम मोडीत काढला आहे. कपिलने 1983 च्या एकदिवसीय विश्वचषकात झिम्बाब्वेविरुद्ध 72 चेंडूत शतक झळकावले होते.
Captain Rohit Sharma is adjudged the Player of the Match for his scintillating record-breaking century in the chase 🔝#TeamIndia register a compelling 8⃣-wicket victory over Afghanistan 👏👏
Scorecard ▶️ https://t.co/f29c30au8u#CWC23 | #INDvAFG | #MeninBlue pic.twitter.com/tlTLOk2xrF
— BCCI (@BCCI) October 11, 2023
एकदिवसीय विश्वचषकात सर्वात जलद शतक झळकावणारे भारतीय खेळाडू
- रोहित शर्मा- 63 चेंडू
- कपिल देव- 72 चेंडू
- वीरेंद्र सेहवाग- 81 चेंडू
- विराट कोहली- 83 चेंडू
एकदिवसीय विश्वचषकात हजाराहून अधिक धावा पूर्ण केल्या
रोहित शर्माने अफगाणिस्तानविरुद्धच्या खेळीत 84 चेंडूत 131 धावा केल्या, ज्यात त्याने 16 चौकार आणि पाच षटकार मारले. अफगाणिस्तानविरुद्ध 23 धावा केल्यानंतर त्याने एकदिवसीय विश्वचषकात आपल्या 1000 धावा पूर्ण केल्या. तो सर्वात जलद हजार धावा करणारा खेळाडू ठरला आहे. याशिवाय एकदिवसीय विश्वचषकात हजाराहून अधिक धावा करणारा तो चौथा भारतीय खेळाडू ठरला आहे.
रोहितच्या नावावर सर्वाधिक शतके
रोहित शर्माने वर्ल्ड कपमध्ये सर्वाधिक 7 शतके झळकावली आहेत. रोहितने 2015 च्या विश्वचषकात शतक झळकावले होते. यानंतर 2019 मध्ये रोहितने अप्रतिम फॉर्ममध्ये 5 शतके झळकावली. यानंतर 2023 विश्वचषकातील पहिल्या सामन्यात रोहित खातेही न उघडता बाद झाला. पण पुढच्याच अफगाणिस्तानविरुद्धच्या सामन्यात हा खेळाडू शतक झळकावून अप्रतिम फॉर्ममध्ये परतला. या प्रकरणात रोहितने सचिन तेंडुलकरला मागे टाकले. विश्वचषकात सचिनच्या नावावर एकूण 6 शतके होती. रोहितने अवघ्या 19 डावात हा टप्पा गाठला. तर सचिनने 44 डावात 6 शतके झळकावली होती.
*⃣ Fastest century by an Indian in World Cups (63 balls)
*⃣ Most 100s in World Cups (7)
*⃣ Goes past Ricky Ponting’s tally (31 ODI tons)What a night this is turning out to be for Rohit Sharma!!#INDvsAFG #CWC2023 pic.twitter.com/rRfAv0Z1TT
— Cricbuzz (@cricbuzz) October 11, 2023
विश्वचषकात सर्वाधिक शतके ठोकणारे फलंदाज
- रोहित शर्मा- 7 शतके
- सचिन तेंडुलकर- 6 शतके
- रिकी पाँटिंग- 5 शतके
- कुमार संगकारा – 5 शतके
- डेव्हिड वॉर्नर- 4 शतके
अफगाणिस्तानने 273 धावांचे लक्ष्य दिले होते
भारताविरुद्धच्या सामन्यात अफगाणिस्तानचा कर्णधार हशमतुल्ला शाहिदीने नाणेफेक जिंकून प्रथम फलंदाजी करण्याचा निर्णय घेतला. अफगाणिस्तानकडून हशमतुल्ला शाहिदीने 80 आणि अजमतुल्ला उमरझाईने 62 धावा केल्या. या खेळाडूंमुळेच अफगाणिस्तान संघाला 272 धावांपर्यंत मजल मारता आली. भारताकडून जसप्रीत बुमराहने सर्वाधिक 4 बळी घेतले. हार्दिक पांड्याने 2 बळी घेतले.
273 धावांच्या लक्ष्याचा पाठलाग करताना कर्णधार रोहित शर्माने टीम इंडियाला दमदार सुरुवात दिली. त्याचवेळी त्याला दुसऱ्या टोकाकडून इशान किशनची चांगली साथ मिळाली. रोहितने या सामन्यात केवळ 84 चेंडूत 130 धावांची खेळी केली. रोहितच्या बॅटमधून 16 चौकार आणि 5 षटकार आले. त्याच्यासोबत सलामीला आलेल्या ईशानने 47 चेंडूत 47 धावा केल्या. यानंतर विराट कोहलीने नाबाद 55 आणि श्रेयस अय्यरने नाबाद 25 धावा करत संघाला विजयापर्यंत नेले.