PM Kisan: PM किसान योजनेच्या लाभार्थ्यांसाठी महत्त्वाची बातमी, 12 व्या हप्त्याचे पैसे 20 दिवसांत जमा होतील खात्यात

पीएम किसान सन्मान निधी योजनेअंतर्गत केंद्र सरकार शेतकऱ्यांच्या खात्यात 2000 रुपयांचा हप्ता हस्तांतरित करते. तुम्हीही 12व्या हप्त्याची वाट पाहत असाल तर तुमच्यासाठी ही महत्त्वाची बातमी आहे. पीएम किसान योजनेचा 12वा हप्ता शेतकऱ्यांच्या बँक खात्यावर कधी जमा होणार याची माहिती समोर आली आहे. 2022 च्या दुसऱ्या हप्त्याचे पैसे 1 सप्टेंबर 2022 रोजी शेतकऱ्यांच्या खात्यात हस्तांतरित केले जातील.

पीएम किसान योजनेंतर्गत 1 एप्रिल ते 31 जुलै या कालावधीसाठी शेतकऱ्यांना पहिला हप्ता दिला जातो. त्याच वेळी, दुसऱ्या हप्त्याचे पैसे 1 ऑगस्ट ते 30 नोव्हेंबर दरम्यान ट्रान्सफर केले जातात. याशिवाय तिसऱ्या हप्त्याचे पैसे 1 डिसेंबर ते 31 मार्च दरम्यान ट्रान्सफर केले जातात.

पीएम किसान सन्मान निधी योजनेअंतर्गत पात्र शेतकरी कुटुंबांना दरवर्षी 6,000 रुपयांची आर्थिक मदत दिली जाते. ही रक्कम प्रत्येकी दोन हजार रुपयांच्या तीन समान हप्त्यांमध्ये शेतकऱ्यांच्या खात्यावर वर्ग केली जाते. हे हप्ते दर चार महिन्यांनी येतात म्हणजे वर्षातून तीनदा, 2000-2000 रुपये या योजनेअंतर्गत शेतकऱ्यांच्या खात्यावर पाठवले जातात. केंद्र सरकार हे पैसे थेट शेतकऱ्यांच्या खात्यात वर्ग करते. आतापर्यंत प्रत्येकी 2,000 रुपयांचे 11 हप्ते शेतकऱ्यांच्या खात्यावर वर्ग करण्यात आले आहेत.

अशी अनेक शेतकरी कुटुंबे आहेत जी पीएम किसान अंतर्गत वार्षिक 6,000 रुपये घेण्यास पात्र नाहीत. पीएम किसानच्या वेबसाइटनुसार, असे अनेक लोक आहेत जे पीएम किसान योजनेचा लाभ घेऊ शकत नाहीत, विशेषत: जे आर्थिकदृष्ट्या खूप श्रीमंत आहेत. अशा लोकांवर कारवाई देखील करण्यात येत आहे.