बॉलिवूड अभिनेत्री इलियाना डीक्रूझ लवकरच आई होणार आहे. तसेच, अभिनेत्री सध्या तिच्या गर्भधारणेच्या टप्प्याचा आनंद घेत आहे. इलियाना कतरिना कैफचा भाऊ सेबॅस्टियन लॉरेंट मिशेलसोबत रिलेशनशिपमध्ये असल्याची अफवा आहे. मात्र, याबाबत अद्याप कोणतीही पुष्टी झालेली नाही. काही दिवसांपूर्वीच अभिनेत्रीने तिच्या गर्भधारणेची घोषणा करणारा एक फोटो शेअर केला होता. तसेच आता, इलियाना डिक्रूझने एक व्हिडिओ आणि स्वतःचा एक फोटो शेअर केला आहे ज्यामध्ये ती तिचा बेबी बंप दाखवताना दिसत आहे.
इलियाना डीक्रूझच्या प्रेग्नन्सीच्या बातमीने सोशल मीडियावर खळबळ उडाली होती. ही अभिनेत्री लग्नाशिवाय आई होणार आहे. इलियानाच्या पोस्टवरील कमेंट सेक्शनमध्ये नेटिझन्सनी तिच्या लग्नाबद्दलही विचारले. पण इलियानाला या सर्व नकारात्मकतेची काहीच हरकत नाही आणि ती प्रेग्नेंसीचा सामना तणावमुक्तपणे एन्जॉय करत आहे. अभिनेत्रीने शेअर केलेल्या पोस्टमध्ये ती तिच्या बेडवर पडून आराम करत असल्याचे दिसून येते.
Ileana baby bump 🥺🤰🏻🫶🏻✨@IleanaOffl #IleanaDcruz #ileana pic.twitter.com/RbwKwXTHmm
— Chandu Aggarwal 🙋🏻♂️😎 (@Chandu_Aggarwal) May 4, 2023
रिपोर्ट्सनुसार, इलियाना डीक्रूज कतरिना कैफचा भाऊ सेबॅस्टियन लॉरेंट मिशेलला डेट करत आहे. दोघेही एकमेकांसोबत खूप स्पॉट झाले आहेत.
इलियाना डिक्रूझच्या वर्क फ्रंटबद्दल बोलायचे तर, अभिनेत्री शेवटची 2021 मध्ये प्रदर्शित झालेल्या ‘द बिग बुल’ चित्रपटात दिसली होती. याशिवाय अभिनेत्री ‘रुस्तम’, ‘फटा पोस्टर नकला हीरो’, ‘मैं तेरा हीरो’ आणि ‘बर्फी’ सारख्या अनेक चित्रपटांमध्ये दिसली आहे.