तुम्ही कपडे, भाजीपाला, किराणा सामान यासारख्या वस्तू ऑनलाइन ऑर्डर केल्या असतील, पण तुम्ही कधी पेट्रोल ऑनलाइन ऑर्डर केले आहे का? नसेल तर जाणून घ्या, तुम्ही पेट्रोलची ऑनलाइन ऑर्डरही करू शकता. होय, आता मध्येच पेट्रोल संपल्यानंतर पेट्रोल पंपावर जाण्यासाठी गाडी ढकलण्याची गरज भासणार नाही. आता पेट्रोल ऑर्डर करता येणार.
पेट्रोल कसे मागवू शकता ते जाणून घ्या
आता जाणून घ्या कुठेही पेट्रोल मिळवण्यासाठी तुम्हाला काय करावे लागेल. यासाठी तुम्हाला इंडियन ऑइल कॉर्पोरेशनच्या fuel@doorstep किंवा fuel@call या सेवेची मदत घ्यावी लागेल. यासाठी तुम्हाला IOC क्रमांक 18002090247 वर कॉल करून 6 निवडावा लागेल. यानंतर आयओसीची टीम पेट्रोल घेऊन येईल.
तुम्ही नंबर डायल करताच तुम्हाला तुमचे लोकेशन आणि तुमच्या ओळखीशी संबंधित माहिती शेअर करावी लागेल. ऑर्डर दिल्यानंतर थोड्याच वेळात तुम्हाला पेट्रोल वितरीत केले जाईल. यासाठी iocl कडून काही निश्चित मर्यादा आहेत.
इंडियन ऑईल कॉर्पोरेशनने यासाठी एक ॲप विकसित केले आहे. या ॲपद्वारे तुम्ही तुमच्या गरजेनुसार इंधन मागवू शकता. तुम्हाला हवे असल्यास, तुम्ही व्यावसायिक गरजांसाठी (जसे की जनरेटर) कुठूनही पेट्रोल मागवू शकता. तुमचे सर्व डिजिटल पेमेंट पर्याय या ॲपवर उपलब्ध आहेत.