IND vs ENG 3rd T20: भारताने विजय मिळवला तर रोहित शर्मा रिकी पाँटिंगच्या या 19 वर्ष जुन्या विश्वविक्रमाची बरोबरी करेल

IND vs ENG 3rd T20: भारत आणि इंग्लंड यांच्यातील तीन सामन्यांच्या T20 मालिकेतील शेवटचा सामना आज ट्रेंट ब्रिज, नॉटिंगहॅम येथे खेळवला जाणार आहे. पहिले दोन सामने जिंकून टीम इंडियाने मालिकेत 2-0 अशी अभेद्य आघाडी घेतली आहे, अशा स्थितीत इंग्लंड आज शेवटचा सामना जिंकण्याच्या इराद्याने मैदानात उतरेल. तर दुसरीकडे, रोहित शर्माच्या नजरा हा सामना जिंकून यजमानांचा सफाया करण्यावर असतील. जर भारताने आज विजय नोंदवला तर रोहित शर्मा ऑस्ट्रेलियाचा माजी कर्णधार रिकी पाँटिंगच्या 19 वर्ष जुन्या विक्रमाची बरोबरी करेल.

रोहित शर्माने कर्णधार म्हणून आंतरराष्ट्रीय क्रिकेटमध्ये सलग 19 सामने जिंकले आहेत, तर ऑस्ट्रेलियाचा माजी कर्णधार रिकी पॉन्टिंगने कर्णधार म्हणून सर्व फॉरमॅटमध्ये सलग सर्वाधिक विजय मिळवण्याचा विक्रम केला आहे. पाँटिंगने 2003 मध्ये आपल्या संघासाठी सलग 20 सामने जिंकले होते. रोहित शर्माने आज इंग्लंडवर विजय मिळवला तर तो पॉन्टिंगची बरोबरी करेल.

पहिल्या दोन T20 मध्ये टीम इंडियाने यजमानांवर वर्चस्व गाजवले आहे. भारताने साउथॅम्प्टन येथे इंग्लंडचा 148 धावांनी पराभव केला, तर एजबॅस्टन येथे भारताने 49 धावांनी विजय मिळवला. यादरम्यान इंग्लंडचा संपूर्ण संघ 121 धावांत गारद झाला. यासह टीम इंडियानेही मोठा विक्रम केला. T20 क्रिकेटमध्ये सलग दोन वेळा इंग्लंडला 150 च्या खाली गोलंदाजी करणारा भारत हा पहिला संघ ठरला आहे.