केंद्रीय लोकसेवा आयोगाच्या (UPSC) 2015च्या परीक्षेत देशात टॉप येणाऱ्या टीना डाबी आज लग्नबंधनात अडकणार आहेत. टीना डाबी यांनी जीवनसाथी म्हणून 2013च्या बॅचचे आएएस अधिकारी प्रदीप गावंडे यांची निवड केलीय. आज जयपूरमधील एका पंचतारांकित हॉटेलमध्ये ते विवाहबद्ध होणार आहेत. लग्नाची सर्व तयारी पूर्ण झाली असून खास पाहुण्यांची यादीही तयार असल्याचे सांगण्यात आले.
राजस्थानचे मुख्यमंत्री अशोक गेहलोत हेही या लग्नाला उपस्थित राहू शकतात. मात्र, जयपूरमधील ज्या पंचतारांकित हॉटेलमध्ये हे खास लग्न होणार आहे, तेथील कर्मचाऱ्यांनी लग्नाशी संबंधित माहितीवर मौन बाळगले आहे.याशिवाय 22 एप्रिल रोजी शहरात आलिशान वेडिंग रिसेप्शनचे आयोजन करण्यात आले आहे.
टीना डाबी सध्या राजस्थान सरकारमध्ये वित्त, कर सहसचिव म्हणून तैनात आहेत तर प्रदीप गावंडे जयपूरमधील पुरातत्व आणि संग्रहालय संचालक आहेत.