‘Talented Young Batsman’, शाळेच्या अभ्यासक्रमात हिटमॅन रोहित शर्माचा धडा

रोहित शर्माच्या नेतृत्वाखाली भारतीय संघाने आयसीसी क्रिकेट विश्वचषक 2023 च्या अंतिम फेरीत एकही सामना न गमावता आपले स्थान निश्चित केले आहे. सलग 10 सामने जिंकल्यानंतर भारतीय संघ आता या स्पर्धेच्या अंतिम फेरीत रविवारी (19 नोव्हेंबर) विजेतेपदासाठी ऑस्ट्रेलियाशी भिडणार आहे. पण याआधी हिटमॅनशी संबंधित एक खास फोटो सोशल मीडियावर व्हायरल होत आहे.

शालेय पुस्तकाचा फोटो सोशल मीडियावर व्हायरल झाला आहे. सामान्य ज्ञानाच्या पुस्तकात रोहित शर्मावर असलेल्या धड्याचा फोटो सध्या चर्चेचा विषय ठरला आहे. रोहितचा जन्म, त्याचा क्रिकेटपटू होण्यापर्यंतचा प्रवास या धड्यात आहे. रोहित शर्माबद्दल त्याच्या संघर्षाच्या दिवसांपासून त्याच्या खास रेकॉर्ड्सपर्यंत माहिती देण्यात आली आहे. भारतीय कर्णधाराशी संबंधित या धड्याचा फोटो विश्वचषक 2023च्या फायनलपूर्वी व्हायरल होत आहे कारण याआधी रोहितने जगासमोर खरा लीडर होण्याचे उत्तम उदाहरण ठेवले आहे.

Rohit Sharma, An inspiration.

– A chapter for Hitman in a book for children to study. pic.twitter.com/EEugkB4ah6

— Johns. (@CricCrazyJohns) November 17, 2023

World Cup: ‘भारताने विश्वचषक जिंकला तर बीचवर कपड्यांशिवाय धावेन…’, अभिनेत्रीची पोस्ट चर्चेत

आपल्या घरच्या मैदानावर खेळल्या जाणाऱ्या या स्पर्धेत हिटमॅनने निस्वार्थी क्रिकेट खेळून आपल्या संघासाठी सर्वोत्तम योगदान देण्याचा प्रयत्न केला आहे. रोहितला एका नवीन भूमिकेत दिसला आहे ज्यात त्याने मैदानात प्रवेश करताच पहिल्या षटकापासून आक्रमक फलंदाजी केली आहे जेणेकरून त्याच्या नंतर येणारे सर्व खेळाडू कोणत्याही दबावाशिवाय खेळू शकतील.

रोहित त्याच्या वैयक्तिक रेकॉर्ड् अजिबात विचार करताना दिसला नाही ज्यामुळे त्याने सर्वांची मने जिंकली आहेत. केवळ चाहतेच नाही तर भारतीय संघाचे माजी खेळाडू आणि जगभरातील दिग्गजांनीही रोहितच्या या दृष्टिकोनाचे कौतुक केले आहे. आतापर्यंत हा विश्वचषक रोहित आणि भारतीय संघासाठी खास राहिला आहे, अशा परिस्थितीत भारतीय संघाने रोहितच्या नेतृत्वाखाली ही स्पर्धा जिंकावी आणि भारत एकदिवसीय फॉर्मेटमध्ये विश्वविजेता व्हावा, अशी सर्व चाहत्यांची इच्छा आहे.