हिंगोली येथे सोमवारी सकाळी भूकंपाचे धक्के जाणवले. 20 नोव्हेंबर रोजी झालेल्या या भूकंपाची तीव्रता रिश्टर स्केलवर 3.5 एवढी होती. नॅशनल सेंटर फॉर सिस्मॉलॉजी (NCS) नुसार, हा भूकंप आज (सोमवार) पहाटे 5.09 वाजता झाला. भूकंपानंतर लोक प्रचंड घाबरले आणि घराबाहेर पडले. एनसीएसच्या म्हणण्यानुसार हा भूकंप भूगर्भात 5 किमी खोलीवर झाला.
या भूकंपामुळे आतापर्यंत कोणतीही जीवित किंवा वित्तहानी झाल्याचे वृत्त नाही.कमी तीव्रतेच्या भूकंपाचे धक्के सामान्यतः लोकांना जाणवत नाहीत. मात्र, महाराष्ट्रातील या भूकंपानंतर लोकांच्या चिंता वाढल्या आहेत, कारण अलीकडच्या काळात देशाच्या अनेक भागात भूकंपाचे धक्के जाणवले आहेत. एवढेच नाही तर महाराष्ट्रातील या भागात अनेकदा भूकंप झाले आहेत. याआधी रविवारी संध्याकाळीही अंदमानच्या समुद्रात भूकंपाचे धक्के जाणवले होते.
Earthquake of Magnitude:3.5, Occurred on 20-11-2023, 05:09:29 IST, Lat: 19.41 & Long: 77.34, Depth: 5 Km ,Location: Hingoli, Maharashtra, India for more information Download the BhooKamp App https://t.co/ivnpJXcxw9@KirenRijiju @Ravi_MoES @Dr_Mishra1966 @ndmaindia @Indiametdept pic.twitter.com/v1FmWiW93E
— National Center for Seismology (@NCS_Earthquake) November 19, 2023
भारतासह जगातील अनेक देशांमध्ये या वर्षी अनेकवेळा भूकंपाचे धक्के जाणवले आहेत. या वर्षी आतापर्यंतचा सर्वात भीषण भूकंप तुर्कस्तान आणि सीरियामध्ये झाला. 6 फेब्रुवारी 2023 रोजी झालेल्या या भूकंपात 50 हजारांहून अधिक लोकांचा मृत्यू झाला होता आणि लाखो लोक जखमी झाले होते. या वर्षी सप्टेंबरमध्ये मोरोक्कोमध्ये एका शक्तिशाली भूकंपाने मोठा विध्वंस केला. या भूकंपात 2900 हून अधिक लोकांचा मृत्यू झाला असून 5000 हून अधिक लोक जखमी झाले आहेत. ऑक्टोबरमध्ये भूकंपाने अफगाणिस्तानातही मोठी नासधूस केली होती. येथील भूकंपात 2000 हून अधिक लोकांना आपला जीव गमवावा लागला असून 9000 हून अधिक लोक जखमी झाले आहेत.